這一站 - 台北 - 的第二天

16 Apr 2014 - Wed -

Day 2 - 內洞國家森林遊樂區 → 淡水 → 士林夜市

同一景色  同一位置食早餐

置身世外桃園一樣

早餐唔算得上好味，但總比昨晚的好

我地要食飽D上路，今日將會是體力勞動日

因為我地要去內洞睇瀑布呀

內洞亦係烏來著名景點之一，好隔涉，搭的士入去大概20 mins, 劃一價 NT300

預先叫旅館幫我地CALL車

如果你地唔怕行山，可以行入去，大概個半鐘到啦

由於我D腳骨力打算留返比夜市，所以都係搭的士好D

出入都係呢個門口，預先問的士叔叔拎電話，走時就可CALL返佢嚟接我地啦

先嚟到第一條瀑布 - 烏紗溪瀑布 -

整個內洞都係森林，好好天，但亦好多樹遮蔭，所以唔會好曬

羅好水壩

即台電水壩， 引水至烏來電廠發電

嚟到呢到真係要深深地呼吸每一啖

唔知係咪因為空氣好，我塊臉D瘡瘡都停止左生長

南勢溪

好快就嚟到上層瀑布既樂水橋

真係好靚，靜心地聽住水聲都好C服

果然無嚟錯

 

大家都會坐喺休憩處休息一陣，感受下周圍既環境

坐一陣禪都唔錯呀

我地見時間尚早，所以就打算用多1個鐘時間行埋森林浴步道

反正地圖上都寫住可返回售票處

點知....................呢個決定係全錯

全程都係行呢D僭建既山路

 

好彩我無著高踭鞋姐，如果唔係點行呀

重點就係............行到上去先見到個牌寫住 "此路已封  不能通往售票處"

OMG~~~即係話要沿路行返落去.....真係攞我命三千

終於要行半個鐘先落返去，咁當初我行上嚟做咩

幾經辛苦返到老街，臨離開烏來前點都要食埋呢到最出名冷溫泉蛋同encore杯山粉圓

 

搭返849客運到台北車站，行大概10mins就到位於西門町及台北交界既儷萊商旅

好彩出發前google左點行去呢間酒店，如果唔係都比較難搵

間房雖然細，但乾淨企理，房內同廁所都有個大窗，感覺開揚光猛.......應該無鬼

捷運ing 出發去淡水

話咁快就到淡水老街

今朝只食左個早餐既我地拿拿臨掃街先

除左必掃烤鳥蛋外，淡水魚丸是不能不食

上面果pat肉丸非常之咁難食

 

淡水變左好多，以前沿住海傍都無圍欄，可以坐喺樓梯一路食野一路睇日落

而家只可以坐櫈仔睇日落，當堂無踎街咁浪漫　

夜晚再殺落士林掃街

以前既士林夜市都變晒，一層變左手信區，再落地庫一層先係食野既地方

變得更加逼，質素亦無咁好

 

市場內既十全排骨亦麻麻地

 

但呢間果汁店既蘋果苦瓜汁好好飲，仲飲埋鳳梨釋迦汁添

蘋果苦瓜汁既功效有如還原靚靚拳，臉上既毒瘡無再出喇

- 第二天的旅程完畢 -

今日食住咁多先，聽日再繼續

今日既行程比原先plan既去少左，我地無去漁人碼頭、情人橋 & 美麗華天輪

因為去到淡水已經差唔多6點，再加上掃街惹的禍

我地可以為左掃街而放棄景點

連日落咁靚既景色都係望2眼就繼續食，證明我地幾愛台灣美食呢