17 Apr 2014 - Thu -
Day 3 - 十分 → 九份 → 士林夜市 → 西門町
今朝好早出發，要搭10:00火車到瑞芳，再轉去十分
見尋晚有時間，就去台北車站買定所有既飛先
確保一定有位坐之餘仲唔洗預早d出門口買飛，我是明智的
我地仲可以食埋個老麥先搭呢架自強號往花蓮列車
強烈建議plan行程時check埋列車時間表先，因為平溪線既列車一個鐘只有一班
如果miss左就要等成個鐘，所以預先check左就容易預算到行程
咁當然有時候check左時間佢都可以呃你啦，我地就係受害者
終於到十分啦，同5年前一樣，天氣超級的好
順帶一提，我無買平溪一日券，因為今日只打算去十分，所以就咁買普通車飛就OK
鐵路旁的靜安吊橋係著名影相位
齋影得架喇，反正行過去都無野睇
有好多人都會放天燈
用毛筆寫低願望，祈求事事順利好運，都幾好玩架
今次我都放埋一份，希望所有願望都實現啦
呢到而家都有呢d祈願竹筒喎，之前菁桐先有架
果然係一門好生意呀
往十分瀑布必經既煤礦博物館，零興趣入去睇，影下門面算啦
多左呢d吊橋通往十分瀑布，以前都無架
真係幾適合自拍
十分瀑布門前的小貓
到喇~~~
第一次嚟睇覺得幾靚，但去過烏來後就覺得呢到失去左一份大自然既感覺
出返大街就開始搵食啦
呢隻花生雪糕捲都幾好食架，全台北通街都賣緊
薄餅皮上加磨碎既花生糖，再配2球雪糕
完全創新既食法，好味~~~
求其入左一間舖頭放飯
呢舊野得個外表，實則非常之咁難食，好大陣油煙味
我好似影緊飲食雜誌咁
話咁快就嚟到九份喇
簡直痴左線，多人到嘔
次次嚟都無食過魚丸阿伯，今次即管試下啦
不過唔夠淡水魚丸好食
九份景色
昇平戲院真係有戲播放，不過係D悶到爆既戲
入去睇都係純粹為左可以坐下休息一陣
著名既樓梯影相位
今次model係隻狗
由於太愛掃街，所以決定去多次士林，今次只食外圍
每次嚟都好想食但無能為力靠自己KO既大腸包小腸，今次終於可以試到啦
始終都係呢檔好食D
呢餐真係正爆，除左個蚵仔煎外，蕃薯苗、肉燥飯、十全小排都超級好味
有人食得好滋味，仲飲晒我D湯
.jpg)
呢個真係重點推介
香港只有盆栽TIRAMISU，但台北呢個仲正~~~盆栽冰淇淋~~~
睇得又好味
像真度比香港更高
我揀左薄荷同vanilla 2隻味，真係無得"等"
食飽飽仲有時間就去西門町行一陣
咁就結束今日既旅程喇
- 第三天的旅程完畢 -
留言
張貼留言