18 Apr 2014 - Fri -
Day 4 - 陽明山公園 → 台北道場 → 繞河街夜市
今朝早餐選擇去食鴨肉扁
當年既UP耷舖頭已經變成今日咁靚既裝潢
相信遊客們投資左唔少呀
係我耐無食唔記得左價錢定真係貴左好多呢??
1/4隻都要成舊水????
我地嗌左一人一碗米粉
再加1/4隻鵝
唔知點解已經覺得無以前咁好食
跟住就去蜂大買杯咖啡提下神先再出發
又係旅遊書惹的禍,超多人排隊食早餐
好彩我地係take away姐
咁啱經過西門紅樓,不過無入去睇呀
影相當去左
我地喺台北車站北2門對出既巴士站搭260巴士到陽明山
瞓一陣覺就到
途中經過LV都要影下先
完全唔明點搭車遊陽明山景點既情況底下到達左陽明山其中一個景點
竹子湖
司機叔叔話呢個時期係海芋盛開時間
原來聖安娜既LOGO叫海芋,我真係而家先知
遠望出煙果到係小油坑,睇火山架
但咁鬼遠又唔識路,當然無去啦
留守喺竹子湖賞下花算罷啦
由高處飽覽整個竹子湖
完全唔知做乜既情況底下幾經辛苦先可以搭返車落台北
下次都係唔去陽明山
無啦啦浪費左我半日時間
今日第2個景點 - 台北道場 -
曾經發願,希望每次去唔同地方時都能夠去當地既佛光道場參訪
嚟到台北我當然預先做足功課,找尋台北道場既下落啦
台北道場好大,位於五分埔附近,非常之容易搵
好可惜入面唔比影相,無得同大家分享道場既莊嚴
我地去到如來殿時一齊108拜,雖然拜到身水身汗,但都係一個好好既體驗
睇嚟我除左發願去唔同國家既佛光山外仲要加插一個環節
就係到當地道場一齊108拜
鄰近繞河街夜市
我地當然唔會錯過啦
呢檔魷魚超好味,十幾款口味任你揀,包你食過番尋味
我地第一站食完之後再翻兜買多兜
第一次食揀左檸檬椒鹽味........超爆正
有人唔心息要食臭豆腐
非常之咁難食,咪搞我
魚丸湯,得1粒魚丸咁大把,相當矜貴
尋晚買老天祿鴨舌做宵夜
今晚就試下街邊既滷味,再配埋啤酒,想唔肥十斤都幾難
唔夠喉再加埋鹽水鷄
不過唔好食既,超韌,好似食緊擦膠咁
走時再去買魷魚食,今次試左海苔味
個人嚟講都係覺得檸檬椒鹽好味d
今日行程簡直hea到無朋友
個陽明山完全唔知想點
上網睇極都唔明,仲以為去到可以拎遊園指南睇啦
點知去到想搵個reception問都無,睇嚟呢個地方唔係好適合我,下次都係咪制
- 第四天的旅程完畢 -
19 Apr 2014 - Sat -
連埋第5日一齊寫係因為呢日我主要去左其他佛光山既道場
所以無乜點影相
但就淨係影左夜晚餐飯相
果然係食仲緊要過一切
今晚我特別安排去明月湯包
呢碗係招牌乾伴麵
紹興醉雞
非常之唔錯既一味前菜
零可能唔嗌既明月湯包
有人想一次過嗌2籠,當然比我制止左
椒麻肥腸
出乎意料的好食,本來聽到麻辣就唔想嗌
但有人話想食.........我咁就得人當然順從民意啦
好彩係超級好食....配埋台灣啤酒真係一流
本來諗住留肚去西門町食小食
但明月既小籠包實在太好食
我地決定嗌埋蟹粉小籠包
呢餐簡直為呢個旅程劃上完美既句號,亦係整個旅程食得最貴既一餐
最終我地去到西門町已掃唔落野,散下步消化下就算
由於第6日搭11點機返香港
所以晨咁早就搭國光客運去機場
平機票有個蝕本位係預左早機返,表面上去6日,實則得5日玩
不過第1日可以早機去都算好好架喇
今次呢個台北之旅我好滿意
下次唔去烏來,試下去礁磎浸溫泉先
- 整個旅程圓滿結束 -
乜唔係叫馬蹄蘭咩?
回覆刪除佢地係叫海芋架, 我初初聽個名以為係芋頭之類既野
刪除