31 May 2014 - Sat -
今年端午節連埋紅假放成3日,我地又決定cheap cheap地報過2D1N trip
見到美食之旅有個溫泉團好似好OK
2日都係去南嶺國家森林公園,無論景點同酒店外貎都非常吸引
仲要只係$598+導遊費$120/2 Days,食足4餐唔洗煩
所以美食之旅會係我地放假差電既好選擇
出發前先問清楚南嶺係咩地方
原來係韶關,要搭成5個鐘頭車先到
真係仲衰過上次既清遠
所以今次我地有為呢次車程做好準備
除左準備卡樂B蝦條、糖果外,仲預備左織橡筋手繩打發時間
9點鐘出發~~ 坐左大概3個鐘車程終於嚟到第1個景點 - 清遠 -
呢個景點最大作用係........放飯
我地就喺呢間客家皇食Lunch
食物好食,環境舒適,廁所乾淨
估唔到第1餐都已經比我有咁好既印象 ~~8分~~
食飽飽就開始上路,搭多2個鐘頭車就到韶關架喇
沿途風景好靚,再加上今日真係超熱超曬
所以我喺嘆住冷氣既環境底下可以講今日個景靚上加靚
可能有晒心理準備,同埋我無暈車浪,所以覺得今次坐車無上次咁辛苦
大概4點鐘就嚟到呢個南嶺國家森林公園喇
導遊妹妹話....再搭多2個鐘頭車就到湖南
呢個公園超大,我地今日就先嚟親水谷
主要係睇峽谷同水潭
沿路都係呢D景,仲要4點幾先行,所以感覺清涼C服
呢到就係卧龍峽
見到龍頭嗎???
仙女潭
景點介紹話呢舊石似仙女正在梳頭
我已經加左9分想像都諗唔到邊忽似仙女
果粒人完全阻住晒我成幅相既構圖
感覺好似得碌木撐住條橋
會唔會塌架
今日真係好天得好緊要,已經5點個天都咁光 咁清
行到一身汗,D豬膏燃燒ing
距離酒店只係10 mins車程
成個trip最期待就係間酒店
個大堂都唔錯喎
內園景都好正
睇得出依然好新,相信都好乾淨
嘩~~~一開房門不得了
好大好C服呀
但牆頭幅畫搞到人地好怕羞添....核突死呀
完全零作用既書枱
可以扮野坐喺到簽contract
有張搖搖櫈既露台~~~超爆正
露台外既靚景
果然好切合渡假主題
傳說中既房內私人溫泉
細到丫~~~~只可容納1人,所以又名自私的溫泉
夜晚於酒店內開餐
揀直係超正超好食既一餐,從未試過團餐都可以碟碟KO
食飽飽就散下步先返酒店
周圍影下相之後就返房浸溫泉
電視選擇超多,好多戲揀,我地仲可以睇埋套戲先瞓
呢間酒店確實係呢個團既亮點,完全因為佢而覺得值回票價
第日晨咁早7點幾起身
又係sunny day,連帶心情都好D
0800可以開始享用自助早餐
除左呢D,仲有蒸包、湯麵、粟米片、粥、曲奇、生果、蛋糕、乳酪等等
款式多之餘仲要好好味
食飽飽,見仲有時間仲可以返上房hea一陣添
我地已為呢個火辣辣既太陽作最好既準備
迎接今日唯一既景點,園內既瀑布群
園內有8個瀑布咁多
由於時間有限,我地今日只觀賞6個
右邊條樓梯就係公園條舊路,而家開發左條新路我地易行好多
呢條係最辛苦既一段路,非常斜,樓梯級都好窄,要逐步行
真係曬到嘔
出左幾桶汗
國內既同胞無有怕,盡情落水玩
甚至有人著住鞋落水
由於我們尚算年輕,話咁快已經落返山
瀑布底下嘆豆花
我發覺每次去完一個地方,出左成身汗,硬係有豆花賣
永遠d劇情都係咁
呢個團安排非常周到,預埋時間比我地返酒店沖涼,之後先回程
非常之滿意既一間大飯店
但估唔到最後一餐臨尾香
呢間五指山餐廳D野食完全唔掂
幾餐既雞都又滑又嫩
呢餐直情靭到好似台灣鹽水雞咁
其他餸又唔好食喎
不過算啦,食左3餐好野,呢餐食少D都無所謂
返到羅湖見到呢個奇境
真係好好好好靚
真係好好好好靚
1個非常美滿既trip
下次再報過第2D 美食團試下先
Wow! 美
回覆刪除