往雷公田飲奶去

自從轉左新工後真係忙到嘔，由入職開始從未試過收6點

到底係我人老左所以變得咁無效率丫???

定抑或我蠢左吸收能力舜間變弱呢??? (講到好似M巾咁添)

反正我就真係堅攰，晚晚返到屋企都只係想即刻瞓

第2朝依然事業心勁重咁返工學新野

只想比自己盡快學晒D野，再modify個方式，務求令自己日後能夠6點收工

但而家咁既環境，我連上月19號既blog都係今日先記得update

我就嚟可能一年先post一次

每年都出一次回憶錄咁囉

※※※※※※※※※※※※※※※※※※※※※※※※※※※※※※※※※※※※※※※

19 Oct 2014 - Sun -

秋天最好做咩???? 當然係突發生行山啦 

尋日抽起條筋突然好想行山，但又只想hea下 hea下咁行

所以就近近地行大帽山

之前做過research，原來大帽山都分好多段路行，詳情可以睇呢條link

http://www.oasistrek.com/tai_mo_shan.php

今日就揀左唔知算唔算簡單既甲龍古道行到去雷公田，需時大概3個鐘

目標只有1個~~就係去雷公田飲奶

§

§

§

我地10點出發，爸爸車我地去川龍飲茶

今次一於試下面呢間端記

川龍特色既地方就係自己去死搶難搶D點心

手快有手慢無

以前細個去茶樓都係要搶，不過就有架點心車推出嚟

而呢到就自己出嚟攞，有時仲要死守喺呢個點心位捕住D獵物架

川龍另一特色係食自家種既西洋菜

因為佢地有塊田，百分百本港制造，D菜真係好甜好好味架

川龍馳名食品之一 - 山水豆腐花 -

但我覺得上面間彩龍好食過呢間呀，豆花滑好多架

細細個已跟爸媽上嚟，又係阿爸車我地，到大個女一樣如是

只係........佢2個已經老左好多喇

我真係好珍惜有倆既日子架

 始終都係鍾意食上面呢間多D

由細食到大，口味既野真係改唔到

而家就輪到2人世界既時候喇

我地準備向飲奶出發

順帶一提

呢D係臭花草，D草可以洗乾淨後煲水洗身，可以改善初起皮膚病及濕疹

等我send埋個whatsapp就可以上扶輪徑喇

沿路都係一D泥同石頭路，都唔算易行

望返落去可以見到整條川龍村，如心廣場等等

好快就上到大帽山郊野公園喇

好多一家大細帶埋狗狗嚟燒野食

明明休息緊架嘛!!! 又要影人地，搞到我又要擺pose，都無得真正休息既

穿過晒D BBQ爐就會嚟到另一邊既大帽山郊野公園入口

呢到就係停車場，好適合駕車人仕同旅行團嚟

我身後間石屋就係小食亭

側邊就有洗手間，所以嚟呢到玩都好方便

我地繼續沿呢條大帽山道左邊向下走往甲龍古道進發

唔好跟左我係右手邊向下行呀

我目標係搵舊石咋

因為我要企上去影相丫嘛

向下走到分岔路就轉右上山，行多大概10mins.就會見到甲龍古道4個大字

行入少少就會見到呢個牌

我地揀左行古道去雷公田

由於山路太斜太難行

我又唔記得帶拐杖，所以呢位邊青隨地執垃圾比我應急

我又發現更大碌既拐杖呀

拎住呢條好似壽星公支拐杖果然穩重好多

我之前果條可以用嚟鞭策佢行快D

大概3個鐘後，終於搵到出路喇

轉左就係雷公田

又行大概10mins就見到呢間食肆

就係傳說中飲奶既地方喇

有好多旅行團都特登嚟

無論男女老幼

個個都拎住盒奶飲

咁辛苦先嚟到，當然要試下啦

仲試埋茶葉蛋, 薑汁燉奶, 燒賣, 鮮奶芒果布甸

全部都超超超好食.........盒奶一D都唔酥，真係好好飲

香港製造果然唔同D

有人仲買埋忌廉，要忌廉溝鮮奶喎

 

而呢到另外出名既係餐蛋丁

由於我地飲完茶仲未落隔關係，食唔到咁多野

所以問左同枱果2位哥哥借嚟影相

我爭在未問佢借塊餐肉嚟食

跟住行返出去石崗軍營果到搭51巴士落荃灣地鐵站

今次呢條線都幾好行，下次行埋大帽山其他線先

~ 完 ~