一向容易皮膚敏感既我都會好保守咁只用Clinique or Bioderma既面霜，因為夠保濕同時亦唔會令我敏感。
而我亦極少會用韓國牌子既護膚品，一嚟無信心，二嚟功效唔大，三嚟用完容易出粒粒。
但今次行經Innisfree，確實比佢個包裝同價錢吸引左。蘭花用落護膚品喎，真係心動想試。
咁啱有人去開韓國，所以就搭上搭買左呢盒野試下喇！
香港售價 HKD 240/box，韓國售價 HKD180/box
呢set野真係好抵，單買面霜都要$240，但而家做緊promote，1個價錢送多2樣野比你！
上面細樽既係滋養面霜，右邊係hand cream。
呢樽係蘭花全效修護滋養面霜，適合極乾性肌膚，因為我本身皮膚超乾，正想試滋潤成份高D既面霜。
但又驚用左會笠得滯，所以好彩呢盒set包埋，我就可以夜晚用佢啦~~
試用後唔會有笠痴痴既感覺，亦容易推開，又有淡淡既蘭花香味。
細細樽方便旅行攜帶，值得推介。
到主菜喇！呢樽就係蘭花全效修護面霜，適合中性及乾性肌膚。
同樣都係淡淡粉紅色，質感無滋養面霜咁"杰"。搽上面後亦好快吸收。
整個濟州蘭花護膚系列既賣點係抗衰老 (呢點真係好重要)，女性任何時候都要抗，亦要趁後生抗，女人唔抗好易老呀！
而另一賣點係為乾燥肌膚注水滋養，所以好適合乾性肌膚既人。
另外，亦有蘭花全效修護啫喱面霜，同樣照顧埋中性及油性肌膚。
最後，我用左成個月，都無出現敏感情況，我唔敢講敏感皮膚既人都適合用，但起碼我自己好啱用，會再encore。起碼為我荷包慳唔少呀。
留言
張貼留言