話梅排骨

今次學識整一道非常極之好味既小菜 - 話梅排骨 -，所以想同大家分享下我既成果。他日有機會請人來我家作客時，我都一定會用呢味餸招呼大家。

 

我媽好鍾意睇關於煮食既節目，佢話呢道菜係睇麥包果套明星愛廚房學返嚟，自己再改良下個食譜，我媽簡直係天才師奶廚神!!!

 

 

1. 先用些少油煎熟排骨，大概煎至表面呈白色就可。

 

2. 倒入預先浸好的話梅水下鑊。 (預備這道菜前先把6顆話梅浸於1碗水內，下鑊煮時才倒入另1碗水就可。或者，可預先把話梅浸於2碗水內一拼下鑊亦可。)

 

 

3. 中火慢煮。

 

 

4. 準備調味料：茄汁、喼汁隨量，2茶匙豉油，1量匙糖。隨個人口味喼汁可不加入，但個人認為加入喼汁會更香更可口。

 

5. 拌勻調味料後就可一拼落鑊，與排骨拌勻後可蓋上蓋子以細火燘40 mins就可。過程中需不時掀起蓋子拌勻。

 

6. 完成。