沒有最抵，只有更抵的台北hea足7日遊 2015 - Day 2

30 Mar 2015 - Mon

  

Day 2 - 礁溪佛光大學 → 五峰旗瀑布 → 湯圍溝溫泉公園 → 樂山溫泉拉麵 → 西門町

  

第1次去宜蘭既礁溪，為免有咩甩漏，plan行程時已爬文同刨下葛瑪蘭客運既website

mark定幾個來回時間既班次，咁就算首選無位都可以揀次選啦

尋晚預先在台北轉運站買定來回車票，如果好似我咁平日去的話其實就唔怕無位既

不過反正買左無壞，回程時你上早一班車都無問題，只要佢有位就比你上車 

由台北到礁溪要一個鐘車程，所以都係選擇早D起身出發

搭車 & 買即日車票都可以在4/F, 如買第日車票則在G/F 

台北→礁溪 1915線 來回票 NT186

另外，可以買埋 "台灣好行車" 1日任搭乘車券，只需NT60。搭3程都抵返。

買飛時同櫃枱姐姐9唔搭8，我話明買任搭果隻，佢仲話唔知咩來回車票+好行車只需幾多蚊，做緊優惠問我要唔要買，買左之後先發現張台灣好行車只限1程，激鬼死

放假心情都好D，就算咁早起身都咁容光煥發

瞓醒幾覺就到礁溪喇

落車後向左邊方向沿車路一直行大概15mins就可以到湯圍溝溫泉公園

嗱!! 係咪呀？我都話15mins就到架啦

公園前已見到少數人浸緊腳

  

另一邊亦有人比魚仔咬緊，其實望落真係有D恐怖

但行完景點我都會接受呢項挑戰，呢個項目咁出名，驚都要試 

  

幾經辛苦我地先搵到架接駁車位於湯圍溝個站

因為半個鐘先1班，有D景點甚至1個鐘1班，所以唔想miss左

呢架接駁車通行多個景點，由礁溪火車站出發，總站係佛光大學，每個站NT20，可用悠遊卡

如果你會去多過2個景點，咁一定係買NT60任搭券

等車期間望下個timetable，當下先決定去佛光大學

本來都無諗住去，因為上網check過覺得好遠，但我地又見時間尚早

所以就臨時加插呢個景點喇

呢個就係佛光大學萬人興學紀念碑，有我個名架，不過無可能搵到 

見到呢個碑心中有股莫名既激動，呢間大學集合左眾人之力而興建

星雲大師對社會既貢獻及推行教育既熱性確實令人敬佩

以教育培養人才這宗旨建立這間大學

星雲大師慈悲，考慮到我們的經濟能力，不希望我們對興學感到壓力

讓我們可分期供款，港幣$100/1個月，供3年，合共$3600

呢到真係好大好大 

  

好大幅三陽和諧呀

我未見過咁大幅架

  

忍唔住要度下高，我連個印章都唔到

點解課室咁似小學生既 

呢到實在太大，行到出晒汗，又攰又熱又餓，今朝我地只食左個包做早餐

我地仲講緊，唔知佛光大學有冇滴水坊呢?

行到呢到我地直情2眼發光，好似茫茫大海遇到隻木伐一樣

原來呢到真係有滴水坊架，終於可以開餐喇 

  

自助式點菜，豆腐、茄子、雲耳、藥膳湯麵 

呢個時候既冰凍柚子茶尤如甘露，杯熱咖啡唔該拎開D，唔好整熱我杯野 

我最愛的薯餅，好味好味 

我地唔客氣喇 

悠閒地欣賞窗外美景，享受美食，好乎合今次我地旅行既重點 - relax -

下一站 - 五峰旗瀑布 -

較啱時間，搭台灣好行車到五峰旗站落，這是影低timetable既重要性，免卻不必要的等車時間

佛光大學&五峰旗瀑布係同1個站上落

但有D景點既上落站在對面，所以去到車站前一定要望清楚

開始我地既瀑布之旅喇，目標係睇晒三層瀑布

  

這是第三層瀑布

呢到既瀑布係倒數形式，由落車開始計大概20mins路程就可到達

第三層瀑布係最無料到既一個，想欣賞美景係要用腳骨力換取的

當見到地上既指示就代表第二層瀑布就在眼前 

我身後就係第二層瀑布喇

現場睇真係好靚架，完全感覺到瀑布強勁既氣勢，同頭先第三層瀑布比差好遠架

 我地繼續向第一層瀑布進發 

第二層都靚成咁，第一層咪真係不得了，好期待.........

  

好喜歡行呢D山路，狂吸芬多精

今日雖然少少陰天，但反而有利於行山，如果太曬，我地就行得仲辛苦

相信這是觀世音菩薩最好既安排

  

 好熱好熱，行到嘔都仲未到

個死野攞我支自拍神器當拐杖 

 終於到喇~~~好感動~~~

真係超超超壯觀，辛苦係值得的 

  

我地企到咁遠都感受到瀑布既水花，所以真的不能夠行咁埋，因為實濕透身 

可以想像到它的高度和氣勢

  

呢條友都唔知想點

  

我在修行中

請勿打擾

  

從第一瀑布原路落返嚟就可以去另一分岔路口既景點 - 聖母朝聖地 - 

聖母朝聖地外圍既圍牆披滿荊棘 

好有美感

 到喇到喇~~右上角有條水線就係頭先果條第一層瀑布 

呢到確實係一個安靜靈修既好地方

一場嚟到，當然要向聖母合十問訊並祈求 「願聖母保守世間所有人豐衣足食，少煩少惱」

佛教所講「無緣大慈 同體大悲」，我深信聖母係其中一位菩薩

不分種族，不分宗教，不分你我，菩薩一定會守護我地每一位有情眾生

  

妖~~~呢條友又係到扮野，笑到肚痛

行返落去等車期間漫步下大草原，雖大，但唔係無敵大果隻 

 旁邊種滿櫻花樹

只可惜已過了台灣櫻花季，可能呢幾棵就係成個trip欣賞到既櫻花

  

 但有得睇總好過無

希望聽日去淡水天元宮仲有少少比我睇啦

不到20mins車程就落到湯圍溝公園喇

我地揀左個少人D既地方接受挑戰，NT80/person，包1條即棄毛巾

初初放落去時都真係好驚，一放落去就仲驚，成班魚仔衝過嚟食我雙腳

起晒雞皮

如果怕痕既人真係唔好浸，一向唔怕唧既我都覺得幾痕

再撐大D腳指比佢地幫我咬晒D死皮 

可能心理作用關係，上水後抹乾淨再摸下隻腳仔，的確滑左

請緊記帶消毒濕紙巾以便浸完後清潔

我地再落返湯圍溝公園正門時已見到好多人浸緊溫泉喇

仲見到D溫泉水冒煙，有D人仲浸到隻腳紅晒，相信都真係幾熱下

我地啄完死皮，唔再浸咯

唔好誤會，我唔係買蕃茄

只係周圍閒逛時發現網上推介既蕃茄汁 ，即時買杯嚟飲

加左華梅粉既蕃茄汁係超好味，平時就咁飲蕃茄汁你會覺得好腥

但加入華梅粉就完全中和晒，原來華梅同蕃茄係咁夾

不過點解台灣既蕃茄咁得意?? 有條尾既??

今晚我地去礁溪溫泉公園既樂山溫泉拉麵開餐

呢間係二店，總店係湯圍溝公園附近

5點去到時仲未準備好 

呢間拉麵特別之處係可以在外浸住溫泉食拉麵

外食要加NT15，附送多條毛巾

  

開始放緊水喇，我地係第一輪顧客

同香港既拉麵相比價錢平一大截

略嫌D水唔夠熱，純粹暖住隻腳，仲以為可以一路食熱拉麵一路出汗添

櫻花海老叉燒拉麵

拉麵同湯底都真係好普通

特濃豚骨湯拉麵

我已經嗌到特濃，但都唔覺濃

香港雖貴，但好食

平時香港食拉麵我唔會加玉子，因為好貴

但呢到只需NT20，真係唔加唔得

雖然我地買左18:45車票，但反正無地方去，就一於撞下彩睇下搭唔搭到早1班車

居然我地真是幸運的，剛巧17:45既車遲左少少到，我地可以早1個鐘返台北

又再次閒逛西門町，打算去檸檬屋買苦瓜汁時途經謝謝魷魚焿 

當然要入去食返個魯肉飯(細)，我好鍾意食呢間既魯肉飯 NT20

再整多碗魷魚焿

超好食，大滿足 

今次飲蘋果苦瓜汁 

  

宵夜係老天祿鴨舌 + 鴨翅 + 啤酒 = 唔肥有鬼 

- 第二天完 -