終於捨得update個blog喇
成個5月都忙到嘔，工作上又忙，義工方面仲忙
忙到連武則天都無得睇，唉......miss左咁多集，實追死我
忙到連武則天都無得睇，唉......miss左咁多集，實追死我
不過師父講過，忙是營養~~ 我會珍惜而家仲有機會忙既日子，忙都係一時，回憶係一生
而家我努力為自己人生寫下精彩的一頁，這才不會白費我今趟的輪迴
好!!! 終於去到Day 5喇，仲有2日....加油!!
好!!! 終於去到Day 5喇，仲有2日....加油!!
2 Apr 2015 - Thu -
Day 5 - Brunch at Rabbit Rabbit → 木柵動物園 → 貓空嘆茶 → Dinner at 乾杯
因為plan行程時實在諗唔到食咩好，所以當時採取放棄態度，到時先睇下想食咩
結果......今朝係漫無目的咁遊盪搵餐廳
誤打誤撞下又比我地發現光南大批發後街有間cafe叫 Rabbit Rabbit
見到Menu又幾吸引，咁就入左去試喇
長形既餐廳，地方細細
可能平日關係，所以無乜人，我地可以靜靜地嘆個brunch，談下心
價錢亦比起2nd Floor Cafe平一大截
叫左2款餐，味道一流，我肯定會再幫襯
杯凍紅茶仲要好大杯架
唔似得香港咁孤寒
這才是去台北應有的姿態
瞓醒就嘆個brunch，之後好他條咁去下景點
咁搞法，儲儲埋埋多左幾斤肥膏..所以張相都只係影一半手臂
嘆爆就出發去木柵動物園喇
搭車其間呢位可愛弟弟成日偷望我，我做姐姐既當然應佢所求直視佢啦
佢仲不停偷笑添....真係可愛到暈
最後姐姐洗出一招無法抵擋既冧仔方式，就係請佢食糖........佢即刻暈低
好幾年前已嚟過呢個動物園
如果唔係我honey好想去貓空，我諗都無乜意欲plan去呢到
當然，幾年前既動物園同而家一定好大變化
多左好多動物啦，當年既動物會老左啦，再嚟動物園既人又老左啦
所以今次對呢個景點都期待既
重點係咁Q大個動物園入場費都只係NT60，真係超爆值得去
我地開始遊園觀賞園內動物喇
難影到爆既熊貓，館內由於遊客太多，要keep住單向行，唔比人停低影
呢隻唔知係團團定圓圓
坐到咁高，唏噓中既猩猩
你知唔知佢叫咩名丫？
原來.....佢就係......秋....香......
無人同我講過秋香原來係咁既樣
同一個地方仲有中間分界既狒狒，佢唔會就係唐伯虎下嘛？
今日天氣酷熱，地盤佬式消暑法
就係整濕條毛巾撻落條頸到
豹小姐死都唔肯擰塊臉過嚟........無耐性等佢.......走
我對大笨象情有獨鍾........唔知點解就係好想企定定望佢地
雖然佢地無乜點郁，仲搵個pat對住我，但都吸引我企左一段時間
當時，我不其然幫佢地誦三皈依
皈依佛，兩足尊，皈依法，離欲尊，皈依僧，眾中尊，皈依佛竟，皈依法竟，皈依僧竟
希望佢地唔好再落畜道，下世投生到人間，精進學佛
點知..........點知............
點知其中一隻即刻轉身，個表情仲好似對住我笑咁呀
好開心見到呢一幕~~我好深信眾生皆有佛性，希望我少少的迴向可以令象哥哥多一分功德
同象哥哥世紀合照
呢2隻好似熊貓cross over豬既動物叫馬來貘，識游水架
懶洋洋既長頸鹿小姐
我：如果我企入去，你估我有冇到佢地大脾丫？
東：無
我：咁到邊呀？
東：小腿後踭
我：......
第2個園又有大笨象喎
又用個pat得住我
跟住嚟到雀鳥區，周圍都有網圍住
最近睇完侏羅紀公園3，突然覺得自己好似入左翼龍區.....
殊......唔好講野
超近距離餵芝達，驚驚~~~~
呢隻King Kong吸引左好多人圍觀
在我認知中，King Kong係善良可愛架，係D衰人要槍殺佢之嘛
個樣好可憐呀~~~係咪有抑鬱呀???陰公
最無癮係呢part~~~
隻獅子匿埋左喺樹幹底下.......我淨係見到佢輪廓咋
之後搭呢架園內車去動物園內站搭貓空纜車
好穩定好順暢咁嚟到貓空
一落車就會見到好多茶坊指示牌
我已經做晒功課知道去幫襯邊間架喇
沿呢條路一直行入去
好快就見到大大小小中式既茶坊，西式既cafe亦有
如果無做功課都幾花多眼亂，可能到時就求其入一間
我地揀左呢間清泉山莊
上網睇過....風景同食物都唔錯
茶莊設於山腰，需要行一小段樓梯，店主好有心地設置加油牌
我地到喇
可以揀選室內冷氣位
我地出左咁多汗，為免攝親，都係選擇室外自然風好D
茶莊有自己的茶園
店內姐姐推介我地食山蘇
食物種類多，價錢都尚可啦，唔算平
我地上到嚟已經5點....陣間仲要食燒肉
所以都係嗌左少少野送茶算
上到嚟貓空點可能唔嗌茶呀
木柵鐵觀音.......都幾貴....好似NT360
袋左成日既洪瑞珍...終於出場喇
洪瑞珍三明治配鐵觀音
我最愛既開心果
送唔送茶都一流
店員姐姐話成碟菜都無落鹽炒
淨係靠果粒啡色豆豆出味.....果然D菜都好夠味....就咁食果粒啡豆都食到鹹味
最衰我地太晏上嚟
如果唔係都想坐耐D ~~ 因為呢到真係好舒服
BTW, 搭纜車時激嬲左honey，嘆茶全程無乜點同我講野........
回程時全程包廂......抵晒
纜車上拍到的夜景
忠孝敦化站有好特別既裝飾
笨仔好鍾意呢幅圖
出發前特登上網搜羅各種美食
比我發現到呢間大獲好評既燒肉店 - 乾杯 -
我揀左位於忠孝敦化既總店
呢到出名氣氛良好.....放工落嚟relax就最適合
成間店既牆都貼晒錫錫相
男女...男男...女女..大人配小朋友等等
因為呢間燒肉賣點係以錫錫免費換取燒肉一碟....個個都為食而犧牲色相
我地先order野飲.....呢個係重點.....一定要嗌野飲
笨仔好9唔搭8咁食燒肉嗌sake
我就係蜜桃可爾必思沙瓦
咩事全場舉晒手呢???
因為店主開始搞氣氛喇....一到8點.....店主就會開始講下野
之後就起哄全場乾杯....你有乾杯既就送多杯你原先order既飲品比你
所以order野飲前諗清楚呀.....
正正正~~我可以飲2杯
店員服飾都好特別.....好型
錫錫遊戲既禮物係送一碟牛肉，雖然唔啱我，但我地都有趁下熱鬧玩埋一份
當然，份禮物係honey獨享啦
~~兒童不宜~~要打格仔先出到街
埋單NT1100，除返港幣都係$140/1個人.....都算抵食
好彩尋日喺饒河街夜市玩彈珠遊戲嬴左香口膠
- 第五天完 -
餵芝達都唔洗驚成咁呀, 你個樣實在太FUNNY啦
回覆刪除我不嬲D戲都唔差架
刪除