31 May 2015 - Sun -
今日過了一個有意義又開心既假期
晨早10點已同honey出到旺角嘆早餐
並唔係旺角D早餐特別好食，只係拿拿臨食飽個肚就返佛香講堂捐血
我一向都有捐血，佛教所講，宇宙萬物都係由四大元素，地、水、火、風組成
包括我地既身體，地=筋骨、水=血液、火=溫度、風=呼吸，缺一不可
能夠將自己身體重要既元素捐比有需要既人實在係我既福報
因為唔係人人都有能力捐血
可能你係長期病患者、血紅素唔夠、貧血、過去4星期內有服用藥物等等......
你可以捐血即係代表你身體狀況良好，咁仲唔係最大既福報咩？
所以，如果你有能力捐血就一定要把握，幫到人，自己亦得益
§
§
§
捐血後就同埋媽咪上山頂會合阿哥
我地去香港特麗愛3D美術館影相
入場費$150，網上買飛就有9折
館內其實好細，好彩今日好少人，如果多人D都有排等
首先我地去左威尼斯搵個街頭畫家畫幅畫，都畫得幾似架
阿媽話我大個女喇
我太猖狂了嗎？
我.....我.....我.....我終於高過佢啦......
都未見過人跌落火坑可以咁開心既
去澳門練返2轉
殊!!!!! 我入定中.......
睇下我媽媽幾可愛，就快成為鯊魚既點心都咁開心
熊出沒~~~注意!!!!
呢個BB都幾無聊
娘親修行最高....升起左
大概2個鐘就玩晒成個館喇
都係好彩無乜人，我地每個境都影左好多個SHOT，如果多人就無辦法影到靚相喇
以後上山頂可以多個地方選擇喇，天時暑熱，留喺館內涼冷氣消遺下都幾好丫
$150又無限時間，玩完仲可以去凌宵閣睇夜景，跟住食埋晚飯先落返山
2人浪漫又得，開開心心過1日家庭樂亦得，得左
留言
張貼留言