14 Jun 2015 - Sun -
又到每個月1次既14號喇！今個月仲要撞啱係星期日，可以對足成日慶祝
熱戀中既小情侶難免係痴纏D既
其實我地定下每月14號慶祝，只係有藉口比自己果日出街食飯見面姐
唔需要話去咩地方，食咩好野。只要當日大家可以一齊過就得，食車仔麵都一樣咁開心
好似上個月撞啱係佛學班最後一堂，我地一樣照返學，放學後就去左九龍酒店食宵夜buffet
而今日我揀左去千禧新世界酒店食buffet唔只為左14號架，其實仲有另一個意義
§
§
§
禮拜5果日收到Reception打我手提，對話如下：
Reception：Apple呀，有紥花比你架，你方唔方便而家嚟攞？
我：收花？我係Apple喎？
Reception：係呀...係比你架！
我：比我？真係比我？我係Apple Ngan喎 (因為公司有2個 Apple)
Reception：係你呀，留左你手提架！你係咪開緊會？如果唔方便不如我拎過嚟比你丫！
我：哦....唔洗唔洗！我而家過嚟丫！
心諗：係喎，白痴左添！打得我手提又點會係搵錯另1個Apple呢
點知真係有條笨仔送花.....作死.....又亂洗錢
又要鬧又要讚紥花真係好靚....荷蘭粉紅牡丹做主花
有我最愛既粉紅色...又夠簡單....多謝您
難得今日唔趕時間，我地一早就決定去綠楊美心飲茶
因為呢間D點心出名好好食，但亦出名多人
我地約10:30，先到先取飛，Honey一向好體貼，佢要比我早半個鐘到先，唔想我等咁耐
但我比佢更加體貼，09:15就已經到左
好彩我咁早到咋....最後都等到10:30先有位....呢間野真係好浮誇架
但等咁耐係值得架，因為D點心真係好好食
我地仲1人嘆1盅灌湯餃 - $40/盅
真係好好味
好喜歡呢D推車點心，諗返起以前細個飲茶就係衝去架車到不停揀
而家無人衝....個個都等到推埋位先叫，連揀都唔揀
反而呢到既蛋撻仔稍為失色
我地一路嘆茶....一路睇報紙....食左6樣野.....埋單$2xx....嘆左2個鐘先走
自從做左義工後....已好耐無試過咁hea咁嘆茶喇
...幾個鐘後...
已到達尖東準備食第2餐喇
因為我想比個surprise佢....所以佢到而家呢刻都未知去邊到食同食咩
最喜歡睇到佢個笨樣
由於未夠鐘開始
咁去海傍影下相先啦
終於知喇....我地就係食buffet喇
open rice做緊優惠...有7折coupon
我早2個禮拜已book位架喇.....忍住唔同你開心些牙只為了比個驚喜你姐
千禧新世界香港酒店(前身叫日航) buffet真係唔錯....好多選擇....食物質素又好
7折後都係$445，絕對抵食
不過龍蝦質素好差.....淡而無味
除龍蝦外....所有食物都好好食
呢款蒜蓉燒大蝦絕對值得加許
中湯有花旗蔘杞子煲雞.....我飲左3碗
西湯係忌廉磨菇湯...我只飲左1/3碗....個人嚟講偏愛中湯多D
除左包1杯咖啡奶茶外，仲有汽水狂飲
自我調製既忌廉溝芬達!! 好好飲架
仲每人送一盅佛跳醬
已經係鮑魚BB都仲要得半粒
甜品仲有乳酪
焦糖布甸超好食，我KO左2碗
充滿好奇心既我地研究下碗內黑點點到底係乜東東
我仲話係咪燒燶左布甸既碳屎
原來......係vanilla seed
Haagen-Dazs作結尾.....飽到唔識郁
好開心又同你過左1個14號呀
雖然收花係好開心，但都唔想你亂洗錢
記得我地出年既目標嗎？我真係好希望可以同你做到呢件事
我地要為出年暑假而努力
每次14號都係你請
今餐飯就等我請啦....因為我一直好想好想有機會請你食到呢餐
我之前同自己講過，如果你轉到工我就一定要請你食buffet獎勵你
因為要你踏出呢一步確實唔容易，你成功轉到工更加唔容易
呢段時期睇到你既決心同努力，最後...證明你係無白費架
雖然大家商議後決定留返低，但起碼係升左職加左人工丫，呢點亦係公司對你既肯定
今次放棄左個機會唔緊要，反正都得到最終想要既野，反而今日既局面係雙嬴添
你知道嗎？觀音菩薩一直都在眷顧我們
由你搵工開始，我每日既早課就係迴向比你
中間向觀音菩薩祈求既一切，訴說既不安都一一解決晒
我開心既唔止係你工作上既轉變，亦係對觀音菩薩有著千萬個感恩
佛法的力量不可思議，只有眾生離棄佛法，佛菩薩從來沒有捨棄過我們
當我地有危難、失落、無助時，你見到既一雙腳並不是自己，不要覺得自己孤單一人面對
其實這雙腿是觀世音菩薩的，他背著我們繼續往前走而已
我地要繼續努力，發心回饋佛光山，回饋大眾，攜手同行菩提道
願將身心奉塵剎 是則名為報佛恩
~共勉之~
非常之好奇你地出年係咩大計
回覆刪除請呢位讀者密切留意呢個blog ^^
刪除