15 May 2015 - Fri-
就算更忙都好，blog是要update的
雖然義工方面有九萬幾樣野我仲未做，但都係心思思寫左blog先
比我廢up一餐，可以舒緩一下平日的疲勞
§
§
§
從前有1日
TST有個bazaar d鞋大特價
結果我地買左2對鞋
呢對鞋真係超抵，$7xx減到$190，襯西褲牛仔褲都得
著左即刻型左10倍
買完鞋就去金馬倫道開飯
聞說呢間炉爐金好特別，飲食男女又有介紹過
加上我又買左cash coupon，咁就一於試下有幾特別啦
裝修100分，場地好大，每枱位置都夠晒空間感，一大班朋友gathering都絕對無問題
一坐低
經理就問我地有冇興趣食凍螺
咁當然問左價錢先決定啦~~~ 大概$70，我地就order左先啦
都幾爽口，味道清清地
跟住再慢慢睇Menu
串燒種類多，但其他食物種類就一般
熱戀中的我們當然要叫心形飯糰啦
但好可惜......我個人嚟講唔鍾意食飯焦
都唔識分呢D叫表面燒得脆定太硬喇，亦好唔鍾意陣燶味
所以熱戀都係要睇火，燶左就唔好啦
香芒軟殼蟹卷
D飯太散喇~~除非你個口夠大可以一啖食晒
否則，就跌到成碟飯粒
燒雞軟骨除左用硬形容之外.....仲可以用燒過龍嚟形容
曬上黑椒理應香口D，但食唔到香脆爽口既感覺
我覺得放題既鹽燒雞軟骨好食好多
呢個好食 - 汁燒魷魚筒 -
完全唔韌，魷魚亦夠晒彈牙
天婦羅烏冬都不過不失既
但本人覺得甘味既烏冬煙韌過佢好多
今餐埋單$3xx
睇我既評語就知我唔會再幫襯啦
所以subject已清楚寫明不推介 純分享
睇住你D食評去搵食一定無錯
回覆刪除