12 Aug 2015 - Wed -
食到喇!! 食到喇!! 終於食到喇!!
好耐之前已經想試架喇，但次次book完之後都有阻滯，好開心今次終於食到傳說中既居素屋
講真.....的確要大力推介.....試過後從此改變你對食素既睇法
食素要食得健康....食得有營...居素屋全部都採用新鮮食材
無傳統齋舖既肥膩....亦唔係比素扒素蝦果類既食品你...全部係天然食材
無論食物賣相...味道...餐廳格局...服務...環境等等都叫人讚嘆
素食餐廳一向都難以經營，所以價錢方面會高少少
一般人覺得食素唔值得比咁貴，與其咁貴不如食葷
其實價錢高低....食物質素等等全取決於你個心
點樣衡量值唔值得...其實就視乎你用一個點樣既心去食
對我而言....絕對值得
§
§
§
一出lift已見到簡約式充滿和風味既門面
已比人一種舒服的感覺
環境清靜....每枱都有一定既空間...唔會有種壓逼感...可以放心咁同朋友傾計
一坐低....就為你送上一壺玄米茶
阿文非常欣賞...同時亦好鍾意隻杯既設計....成晚不停讚隻杯
每晚都有2款菜式比你揀...同樣都係9道菜
我地3個都揀$338既夏日清爽晚餐
我比個水蜜桃吸引左
開始上菜喇....我地唔客氣喇
由第1道菜讚到落第9道.....可想而知幾好食
唯一失望既係今日無蕃茄....改食南瓜
我既梅酒蕃茄呀
呢碟壽司拼盤真係不得了，好食x1000
尤其係左下既軍艦壽司.....綠色一條條類似海藻既物體超好食...爽到脆架
今日既燒野菜係燒筍....好清甜爽口
右邊係紫薯年糕...灑上海鹽...味道一流...Ella激讚
京都雜菜煮
蘿蔔茄子都煮得入晒味...個汁汁好甜呀
豆腐南瓜茶碗蒸
唯獨呢道蓮藕饅頭我係唔會投佢一票....唔係唔好食....只係我唔鍾意食蓮藕姐
但Ella同阿文竟然投佢係第一名
呢個完全要比多D掌聲，佢得到第1名係實至名歸
梅子冷麵....超爆好食
以日本水蜜桃作結尾....為呢餐素食劃上完美既句號
我地真係由頭讚到落尾架
佢D餐單隨著季節而轉變....遲D轉季時一定會再嚟
最後一提既係...餐廳唔止門面乾淨...連洗手間都好乾淨
我好怕去餐廳既洗手間，因為多數都好污糟
但呢間真係可以好放心去
留言
張貼留言