6 - 7 Sep 2015 - Sun & Mon -
呢個trip係我入獄前最後一次享受....因為9月尾就要開學喇
本來讀書係件好愉快既事.....但臨老先讀書就好比人間煉獄
不過....為左完成讀大學呢個夢想.....幾辛苦都撐落去
坐2年監姐...好快過....希望我畢到業啦
( 無自由..我失自由...傷心痛心眼淚流)
講返個trip先
臨出發前個幾禮拜先臨急臨忙報團
在已成團名單當中呢個團係最吸引，新會呢個地方又近，只係搭3個鐘車就到
可以浸溫泉之餘仲可以玩水上樂園...仲要只係$398/person
我倆一致裁定 "新會古兜溫泉渡假之旅" 出發
§
§
§
體貼的東已經買定麥當當喺上水等我
話咁快就到羅湖集合....時間早左....報到完...可以坐喺露天廣場食埋個早餐先
今次既地點無過往既咁遠...所以車程都好快....只係搭個零鐘車就食lunch
新會出名陳皮....所以好多菜式都會用陳皮煮
呢餐最鍾意食就係米線....撈埋D鴨汁...真係超正
返酒店前去左1個supremarket....我地隨意行個圈就算
上車時竟然見到其他團友買左好多零食.....原來呢個景點都有吸引力
話咁快到酒店喇.....比我想像中仲要簡陋....可能之前join過果D實在太好
實在好天得梗要，住既別墅又好死遠...行到去第8街
熱溶咁滯....要加快腳步衝返房換衫游水
終於到喇....呢到就係爸爸去哪兒第3季住過既別墅
凡事唔好相信外表....外表非常美好....但內裏必定污穢
OMG~~~打開門真係嚇親.....又未去到好差既...但係差囉
反正佢地方乾淨就算啦 (你都無得唔算)
同楝別墅住1樓對情侶call左Golf車去水世界...邀請埋我地一齊搭
咁著數既野當然lur飯應啦
水世界門前有好多許願牌.....同大埔許願樹既theme係1樣
旁邊仲可以搭收費吊車去唔知邊到
我地當然乜都唔理....衝入去玩水世界啦
原來呢到係人造沙灘
劃分前面係兒童區.....後面就水深1米6
呢到仲會定時有人造浪出嚟....都幾好玩架
之後我地4個仲狂玩呢條彩虹天梯...比拼邊個sir得最快最前
唯1甘D係要行上3層....但玩得幾秒
嗱嗱嗱~~~唔好眨眼喇
送上我地既性感水著相
由頭包到落腳.....爭在未著潛水衣
返酒店沖埋涼已經入黑.....係時候去食dinner喇
每餐都食得好豐富...有雞鴨魚
但同枱既團友好無品....原來好多人既行為都好自私
頭1輪俄羅斯輪盤轉到自己...個國內女人先夾比自己...再夾比老公
但佢同一碟鴨又再夾多舊比自己....然後佢老公再夾1舊
碟鴨已經唔多...我地呢邊既人仲未夾....佢係咪應該留返比人夾左先呢?
有冇得食其實好閒.....但呢D行為已經反映到佢地個人幾自私
食飽飽...我地先行離席...慢慢散步返酒店
相約好同屋情侶8點樓下等....一齊再嚟呢到浸溫泉
呢到既溫泉同上次新興既龍山溫泉差唔多...一樣有好多中藥溫泉池....
但感覺好似呢到差D...無論當歸, 人蔘, 首烏, 靈芝...全部都一樣味
今晚10點...我地仲會喺呢到食宵夜 (團餐包埋)
最衰忘記帶電話....原來宵夜都好豐富...有炒螺、雞粥、炒米、炒麵、蕃薯、粟米
第2朝10點就食早餐...呢到既自助早餐非常極之難食
實在唔應該嚟食...早知瞓到11點check-out算啦
實在唔應該嚟食...早知瞓到11點check-out算啦
搭左個零鐘車又食.....成個post淨係得食野既相
無計....美食之旅係食瞓屙團....我無理由post瞓同屙架...咁咪淨係post食囉
行程最後1個景點係新會陳皮村
呢個村可以話係乜都無野睇.....都唔知去嚟做乜
去埋今次..都唔知幾時再有機會去旅行
呢2年就當儲下錢啦...大家都各自增值...各有各忙
目標都係為將來有更美好既生活
呢2年我一定要比心機...要好努力
我要為我地將來而努力
我要同爸媽去多D旅行
加油!!!
留言
張貼留言