月餅節又嚟喇 2015

27 Sep 2015 - Sun -

今年中秋節有些不完美....因為細佬發燒...所以2嫂要照顧佢嚟唔到

今年中秋飯局唔齊人喇!! 如果細佬嚟埋一定好熱鬧架

不過見到2位可人兒真係好開心

佢地大得好快呢....真係好唔想佢地咁大個

但依然都咁鍾意喺條走廊到起勢跑....瘋狂跑

紫昕成日暴露自己既年齡...當佢話自己5歲半時

我都會問佢可唔可以唔好咁老

其實我真係好想佢永遠係1-3歲既年紀....好懷念佢細細個肥嘟嘟個cute cute樣

而家佢2個少女味極濃

2位少女成晚不停講邊個係男人女人....又話自己係女人

點解唔可以講係女孩子呢......

 食飯時又話唔同男人坐....講講下又話講相反詞....話自己係男人...東哥哥係女人 

真係好無聊.. 我唔喜歡生女其中1個原因係最怕佢地講埋呢D婆仔說話

兄弟姐妹多始終熱鬧D....佢地生多幾個就仲熱鬧

辛苦媽咪為我地煮大餐....我媽咪係全宇宙最強廚神...真係超好食

順帶一提...蕃茄炒蛋係我煮架....知道紫昕好喜歡食...所以我特登學煮

食飽飯到家庭聚會時間....佢地睇咩咁入神呢??

原來係minions

從未試過我生日同中秋節只差1日

所以做節同時慶祝埋......飯後甜品係Miffy生日蛋糕

呢個bday kiss仲sweet過東哥哥果張咀

洗唔洗笑得咁浮誇呀

希時個樣衰得好緊要

影完相後已變成爛臉Miffy

每年生日願望都係希望一家人開心快樂...身體健康

好希望我地每年每人既生日都可以齊人食飯

大家真係唔可以忽視家庭聚會既重要性

不過影張家庭相都好辛苦.....等得希時正常mode又控制唔到紫昕

2個non-stop咁整古做怪.....無一刻正常