26 Sep 2015 - Sat -
我倆好喜歡享用呢個海洋公園比香港人生日既優惠
1張飛既價錢2個人受惠....仲可以玩成日
每次入園前指定位置及動作
可能N年後我會post唔同年份既門前合照....睇下同一個位置有咩變化
本來唔打算用海洋奇觀做佈景版
點知有個好熱情既 "是得扶" 不停逼我地喺到影相
用我地部電話就hea影
用佢部機就攞晒角度咁....跟手比埋張飛然後講埋邊2位
咁啱今日入園撞正夜晚哈佬喂有公司包場
所以周圍都有鬼鬼佈置....連海洋館都充滿氣氛
撞你個鬼....睇睇下魚發現有骷髏骨
Adventure in Australia就係我所謂既新野
個館位於纜車同老大街中間
入到去好有滴滴尼既迷離莊園feel
1樣要黑蚊蚊咁睇片....然後先開門比你入去同Koala say Hi
之前喺台灣同澳洲睇既樹熊都淨係識瞓架咋....原來佢真係識郁架
嘩哈哈!!! 原來樹熊正面係咁樣衰..係咪走諧星路線架??
館內係需要絕對寧靜....你講野大聲D都會比人殊
咁我地就可以舒舒服服嘆住強勁冷氣咁欣賞呢幾隻嚟自澳洲既生物
我對佢地真係好有好感...不停騷擾保育人員細細聲問下關於佢地既家世
我好好奇點解呢隻BB Kangaroo係白色....但其他都係深灰色
姐姐話原來唔知袋鼠媽媽定爸爸有白化既基因...所以生出嚟既baby都有白化
但唔影響健康，只係全身白色
我又問邊隻係爸爸邊隻係媽媽....佢話佢地已經分唔到....原來袋鼠受孕期可以2年咁耐
直到媽媽認為可以生佢地出嚟先生
另外我仲問姐姐點解得1隻樹熊
唔好嫌我多問題....唔問都唔知原來有3隻....另外2隻匿埋左呢到呀
真係好打耳
你地匿到咁....難怪我眼大睇過龍架喎
你地搵到另1隻喺邊嗎????
我地同唔知係袋鼠爸爸定媽媽合照
我地真係超好彩....次次都貪快搭海洋列車上山....玩到咁上下先搭纜車落嚟
但唔知邊條筋發作...無啦啦話去搭纜車上山先 (所以先順便睇樹熊)
大概4點開始落雨.....纜車宣佈停駛
今日實在太曬太熱.....連玩呢個升到半空風都無滴
又到睇企鵝涼冷氣環節
每次望住佢地都會幻想飛撲埋去攬到佢地實一實
然後再捽佢地個肚腩
百無聊賴去到水母萬花筒
每次都睇到好入神....真係覺得好靚....但每次都好有罪疚感
我係1隻水母
搭海洋列車落山
即刻收返埋....應該無人發覺
探完樂樂.....無無聊聊喺館外碌柱留字
BTW, 呢日完全唔見盈盈，亦唔知佢原來有左，只係見樂樂喺條樹枝上R pat pat
無無聊聊乜都寫一餐
與鬼合照為我地劃上海洋公園既句號
落到CWB都係5點...未夠鐘食飯....諗住去維園賞下花燈啦
到底我係咪理解錯左花燈既意思
呢碗麵同花燈到底有咩關系??
終於全場搵到1個花燈同我既理解係一樣
終於等到17:45喇....我地可以去Spaghetti House放飯喇
因為生日優惠75折....要6點後落order先用得
我地搭正18:00就即order....快食快返屋企
實在佩服自己....都一把年紀啦....蒲到咁夜第2朝仲可以咁早起身去玩成日
我呢D係實幹型....生日無需要去咩餐廳食貴野
我地亦好喜歡幫襯spaghetti house....佢好照顧到素食者....所以連齋期都可幫襯
又送花....又送花....又嘥錢送花
都話左叫你唔好浪費金錢在紥花上咯
好老實...如果話收花唔開心一定係虛偽既....但我真係覺得洗幾佰蚊買花堅唔值
擺得1-2日就謝晒
好多謝您為我既細心安排
但真係唔好再送喇.....我知道你有幾愛我喇.....但唔洗用花證明架
咁早返到屋企....可以同埋2老1齊切蛋糕
生日可以同3位摯愛一齊過係我最最最開心既事
另1驚喜係原來你為我準備呢份咁用心既禮物.....準備左3日
仲要晨咁早返公司後巷做
可能會有人認為用木夾噴漆作為禮物好cheap
但在我心目中係絕對無價....製作呢份禮物絕對唔容易
每1個木夾...我都感受到你既用心...你所花既時間....心思...精神...你願意為我既付出
心急既我要即刻享用呢份禮物
又1年與你共渡生日了
我地零嗌交...每日都過得sweet sweet
未來呢2年大家都會好忙...我忙得連義工都要擱置....但希望我們都可以互相體諒
留言
張貼留言