30 Sep 2015 - Wed -
其實同每個朋友既飯局我都好期待....因為每個朋友我都好珍惜
同Ella食飯...我地有說不完的話題
呻下家事...呻下公事...乜都sharing
同Ella食飯有另一好處....就係無論我嗌咩佢都食....加上大家都唔食牛....所以特別啱key
今次試左呢間位於TST棉登徑既Dabyida
意大利菜係我既最愛..所以呢餐飯我真係好期待呢
充滿情調既餐廳
我地倆個即刻hea住咁坐
坐低無幾耐....發現無人斟水就心知不妙
實係好似香港制水....要你比錢果隻啦
睇下個drink list...1支有汽or無汽既水要成$45
呢間餐廳既strategy好好...食野係無可能唔飲水架嘛....咁你實會嗌野飲
心態上會覺得1支水都要$45實覺得唔抵
然後會諗不如嗌杯cocktail好過...但cocktail都要成$90/glass...咁佢咪賺多你$50囉
BTW, 呢杯apple tree係幾好飲
食物價錢都算貴 (對我呢D草根而言)
呢到既黑毛豬係廚師推介....仲要3頂帽咁多....咁就一於試下啦
頭盤叫左我地3個都好喜歡既Cold Cut Platter
份量都唔算少喎.....唔錯唔錯
呢堆黑卒卒既物體係墨魚汁意粉
我都幾鍾意食墨魚汁既意大利飯....但意粉就麻麻
結果....呢碟意粉都係麻麻地....無乜味...係我食得太咸??
Yo~~~ 黑毛豬上場喇
份量十足...食落嫩滑多汁....仲要連D厚肉位都好嫩...一D都唔韌
結 論
3樣野2杯野飲...埋單$9xx
Again, 對我呢D草根嚟講都真係幾貴...雖然唔洗我比錢...但我都鄧佢地肉赤
咁貴既野....久唔久食1次算
食得3樣野個肚當然仲有空位啦.....我地去左甜牙牙食甜品
呢餐甜品就作為我對你地既回禮禮物啦
留言
張貼留言