7 Nov 2015 - Sat -
決定返學開始已經踏上不歸路
每次行入包玉剛....都覺得自己周身書卷味濃
不過點忙都好....都要陪下BB豬既....如果唔係感情會有缺口
今晚我地去I-square牛藏開餐....之前買落既coupon終於可以用喇
Lunch食得多.....Dinner就未試過.....如果唔係有$300cash coupon就真係唔會幫襯
最平既2人set都要成$500.....就算散嗌都要成百幾蚊碟肉
我地見個set都OK多野食...所以算啦.....至少唔洗煩嗌咩
頭先諗份assignment已經好頭痛....食飯唔想再用腦
§
§
§
一入座就放低 2舊豆腐.....仲以為咁筍請我地食
埋單先知原來呢粒野要收$22
咁似D酒樓一入座就比碟花生你..然後收你小食錢既
呈現緊角度的重要性
呢2個菇湯都幾清甜
燒芝士龍蝦....啖啖肉....又爽口...正
燒原條魷魚....初初仲擔心會好韌....但原來好好味....一D都唔韌
原本個set有豬牛雞....但我地要求牛肉改成豬肉
所以去牛藏都可以唔洗食牛架
呢間燒肉再配埋佢D醬汁真係好好味
成個set最唔欣賞就係個鰻魚飯....非常腥....好難食
不過唔關人事....只係我唔鍾意食姐
非常期待既燒粟米....仲附送牛油.....正
成個set最期待就係呢2杯雪糕....我個人認為呢樣先係主角
因為佢既雪糕係日本入貨....真係好好味架
本來個set送芝麻味雪糕...但係我好厚顏無恥咁問哥哥可唔可以揀其他味
所以咁先食到好好味既綠茶同紅豆
果然機會係要自己爭取.....重要係厚顏無恥地爭取
食飽飽就去海港城散下心....今年既X'mas佈置係disney人物
有我最愛呀
我地影左N咁多個take先忍到笑
真係超難頂~~ 見到自己個樣都好想中幾野
今年聖誕可以同你sweet住渡過定趕功課??
真係要睇我造化....總之我會比心機架喇
作者已經移除這則留言。
回覆刪除