17 - 18 Jan 2016 - Sun to Mon -
趁第2個Sem開始前去多次美食之旅
但因為遲book...原本想去既團已經爆左....唯有報呢個惠州溫泉團...住Inter-continental
溫泉...浸酒店既，晚餐...食酒店，早餐...都係食酒店
呢個團要$588，我見住得咁好....算啦...照去啦...反正都無團可揀
§
§
§
預左今日會落雨...反正我地都無乜戶外活動...就算浸溫泉落雨都無所謂
但都替渣馬健兒們可惜...搭巴士時見到佢地跑緊汀九
無懼風雨...無著雨褸...心入面都有同佢地打氣
惠州距離深圳只有2-3個鐘車程...再加埋景點...全程好似坐一陣就落車咁
我地只係搭左1個鐘車就話食午飯
惠州D樓原來都幾靚喎...食午餐附近係豪宅區
今次同枱團友比起上次有禮貎好多
夾餸時每位團友都好自律及禮讓
隔離位既孝順仔會斟埋茶比我地添...我地仲有交流...唔會各顧各
又要逼人行超市....都唔明點解美食之旅既團咁鍾意行超市
但D團友又真係可以掃好多野架喎
臨近過年....所以特別有氣氛....超多新年糖買
好耐未見過呢隻嘉頓忌廉包.....好似以前N世耐香港超市見過....而家仲有嗎?
無無聊聊既我地周圍欣賞下國內既產品
笑爆咀
點解翻版一丁仔樣衰成咁
比我發現有樽咁搞笑既檸檬茶叫小茗同學....忍唔住要扮佢個樣
又幾似喎衰鬼...笑到肚痛
shopping完就開始返酒店喇
其實由我地到羅湖果刻開始已經好天.....真係估佢唔到
我地到酒店喇
唔好以為曬成咁....呢張相其實係第2日影架
今次呢個團有個環節逼我地學八段錦
等安排學武前嘆返杯雪碧同可樂先
強調左好多次係武當山落嚟既師父教我地八段錦
師父邀請團友企出嚟一齊學...但D人好冷淡...無乜人肯出
我同東當然要給人歡喜...給師父信心....主動企出嚟學啦
跟住其他人先行出嚟.....果然係羊群心理
終於可以上房喇
間房超大.....又有露台
又有張大梳化可以攤喺到睇電視
就好似呢條友咁
個電視櫃仲可以拉出嚟....瞓喺張床睇都得
浴室又係超大....有個大浴缸
露台風景一流
4點幾返到酒店...有D人會去浸溫泉
但17:30就食自助餐....我地唔想咁急趕....一於周圍行下....玩下酒店設施
比我地發現有乒乓球玩....唔洗錢架
仲有枱波
完全零接觸既我梗係笨下笨下咁啦......仲要超爆多笑料
唔係篤唔到個波...就係成個白波飛落街
東篤波果陣真係好有型架...有姿勢有實際
話咁快玩到6點...要去開餐喇
我地想早D食完早D去浸溫泉
同香港自助餐質素一定無得比....但都不過不失啦
出奇地個炒意粉好好食
溫泉水熱得滯搞到淥熟左隻豬腳...紅晒...仲有D痛
呢間溫泉係我浸過最差既溫泉
有D池水直情熱到根本浸腳一陣都頂唔順.....完全浸唔到個身落去
最差就係太無security.....任由唔係浸溫泉既人自出自入
我地就著泳衣浸.....佢地就著晒羽絨參觀....超尷尬
第2朝可以影到高爾夫球別墅既景
全團只有1家人可以抽中入住....有私家溫泉....專人送餐服務....成千呎既房
羨幕到暈
早餐反而出色....好多選擇
飲品除左有4款果汁外....仲有咖啡同埋各款中國茶比你沖
睇下佢成碗吞晒就知幾好食
食飽飽...我地又諗住去玩多次枱波
途中經過GYM room東話想打沙包
我話好呀...將你平時對我既不滿打落個沙包到發洩啦
點知.....佢出盡力顛喪咁打
原來........不滿成咁
回程時其中一個景點 <<豐渚園>>
呢個係惠州西湖
蘇東坡都有嚟過
個人認為同杭州西湖梗係無得比啦
東有時真係可愛到暈
我影selfie時佢在後面不停揮手....行為好笨
留言
張貼留言