1 Mar 2016 - Tue -
媽媽最近在太古城做陪月,放5點,返到屋企都6點幾
今日懶懶地唔想煮,即興去灣仔食好野
呢間位於大王東街既利源小館佢之前食過1次就決定再encore
成日都話要同我嚟,但成日都無機會
之前佢同爸2個嚟試左個羊腩煲,佢地話好好食 (我唔會識欣賞)
但始終2個人食唔到多野...今次特登叫我嚟可以試佢想食好耐既魚頭煲
3個餸..2個飯...埋單都係$299
街坊小店...值得支持
呢到既招牌菜 - 山東雞- $110 半隻
呢碟堅正....雞肉嫩滑....個汁都調得好好味
一上枱就將勁多蔥蒜既汁淋落去...又唔係熱辣辣...諗極都唔明點解要喺我地面前淋
金沙豆腐 - $6x
都係類似椒鹽豆腐咁啦....炸起左豆腐再用咸蛋黃炒
外面熱辣辣脆卜卜....入面個心都係好熱...仲好滑添
可能我好鍾意食咸蛋黃...黃金蝦果類既FD啦...所以我好鍾意食
六十幾蚊咁大碟....抵呀
川芎白芷魚頭煲 - $85
重點出場
真係好好味好足料...1整個魚頭+幾舊豬骨
唔怪得啖湯咁甜
食飽飽行一陣利東街
估唔到呢到裝飾得咁靚咁有氣氛
唔知咩事媽媽見到呢2隻肥野好興奮....不停話要影
我發覺好多時同爸爸媽咪出街都好少selfie
嚟緊我都要影多D....留低佢地最可愛既一刻
E.....呢間我們都食過!
回覆刪除識食喎
刪除