11 Mar 2016 - Fri -
同Ella食生日飯唔洗煩.....1個咁鍾意食又咁擦得既人
首選一定係放題....次選都係放題.....最後先會揀自助餐
我地揀左好就腳既旺角大瀛喜開餐
之前食開既質素都好好.....但可能生意越好既食肆水準會隨之而下降
雖然味道都維持水準....但款式少左好多
相反地飲品就出奇地多左
呢個係我地既飲品陣....支桃茶好好飲....唔太甜....好香桃味
綠蓋果支係椰青水....Ella話好好飲喎.....我就一向唔鍾意椰青....所以零吸引
不過呢支椰青水應該好受歡迎
隔離一枱廿幾人既大媽團狂掃呢支水....成個雪櫃比佢地掃晒咁滯
好彩阿文醒目....一手立左幾支返嚟先擺到呢個陣
每次必嗌又必encore既海膽手卷
仲有瘋狂encore既汁燒雞翼.....真係超好味
煎到仲有肉汁....皮又香脆....唔會乾爭爭
最搞笑上面舊不知明太卷無啦啦降落左我地張枱
咁Yap又牙位既食物點會係我地嗌架
經過一輪討論想退返比人....Ella突然話: 是但啦, 我食左佢啦..跟住就手起筷子落
Honestly, 我真係無咁偉大...我係唔會容許呢舊野阻我個胃既
燒雞軟骨又係超正
有D放題炸得好過份....好似食緊夠炭咁...又硬又鞋
呢到就唔同呢
話明最合適Ella既生日飯,一盤刺身點能夠滿足到佢丫
第2盤一樣咁豐盛....成兜盤菜咁呀大佬
最大鑊係....我地真係無浪費....清晒
留言
張貼留言