11 Mar 2016 - Fri -
同Ella食生日飯唔洗煩.....1個咁鍾意食又咁擦得既人
首選一定係放題....次選都係放題.....最後先會揀自助餐
我地揀左好就腳既旺角大瀛喜開餐
之前食開既質素都好好.....但可能生意越好既食肆水準會隨之而下降
雖然味道都維持水準....但款式少左好多
相反地飲品就出奇地多左
呢個係我地既飲品陣....支桃茶好好飲....唔太甜....好香桃味
綠蓋果支係椰青水....Ella話好好飲喎.....我就一向唔鍾意椰青....所以零吸引
不過呢支椰青水應該好受歡迎
隔離一枱廿幾人既大媽團狂掃呢支水....成個雪櫃比佢地掃晒咁滯
好彩阿文醒目....一手立左幾支返嚟先擺到呢個陣
一貫Ella style
三文魚20, 油甘魚20, 唔記得乜蝦20, 柱貝20, 劍魚腩 20, 象拔蚌20
痴Q線....總之乜差都20....食唔食得晒呀
每次必嗌又必encore既海膽手卷
仲有瘋狂encore既汁燒雞翼.....真係超好味
煎到仲有肉汁....皮又香脆....唔會乾爭爭
最搞笑上面舊不知明太卷無啦啦降落左我地張枱
咁Yap又牙位既食物點會係我地嗌架
經過一輪討論想退返比人....Ella突然話: 是但啦, 我食左佢啦..跟住就手起筷子落
Honestly, 我真係無咁偉大...我係唔會容許呢舊野阻我個胃既
燒雞軟骨又係超正
有D放題炸得好過份....好似食緊夠炭咁...又硬又鞋
呢到就唔同呢
話明最合適Ella既生日飯，一盤刺身點能夠滿足到佢丫
第2盤一樣咁豐盛....成兜盤菜咁呀大佬
最大鑊係....我地真係無浪費....清晒
其實仲有好多食物無影相....牛肉鍋走牛肉呢個咁經典場面又無影
今次我醒呀.....食之前影定幅合照....餐餐都因為食得太忘我而無影架
Happy birthday to my best friend Ella
希望你年年月月日日時時刻刻分分秒秒都咁快樂
痛苦既事情已過....辛苦埋3月你就自在喇
好好為自己打算.....還有好多快樂既事情即將發生
還有我們說好的勁食台北之旅呢.....好快可以實現喇
留言
張貼留言