18 Jun 2016 - Sat -
第2日仍然留在Penang，呢日係成個團既重點
就係去榴槤果園任食，好多團友都為食榴槤而嚟，每次一講榴槤佢地就好興奮
佢地愛榴槤既程度有如籠中猛獸，餓左好耐，蓄勢待發
§
§
§
§
而家係朝早07:00，唔好以為morning call咁早出發
我地只係為了一碗蝦麵
呢到就係酒店後面既早市food market
早得滯，好多都未開檔添
呢檔雲來福建麵就係導遊極力推介，排隊排成個鐘都係為左食呢碗麵
福建麵 = 蝦麵，因為湯底係用好多蝦餚出嚟，有好濃既蝦味，所以當地人叫蝦麵
對面幢樓真係幾有特式
有架賣蛋糕既車，超多款，但我地唔知好唔好食...唔敢嘗試
但有位團友買左幾款，我媽食過都讚D蛋糕好鬆軟
諗住第日朝早再去買啦，點知禮拜日無開檔
所以話呢......因緣錯過左就無.....點都買一舊試下嘛
好多款....有cheesecake, 綠茶, 芒果, 朱古力, 士多啤梨, 咖啡etc...
返入food market等食蝦麵
有人唔飲咖啡唔安落
蝦麵嚟喇~~~我地嗌左2碗4人share食
好香好濃蝦湯味，真係幾好食，匙羮果D係蝦醬，當地人好鍾意撈埋一齊食
不過真係好辣好油，食得多都唔掂，淺嚐好喇
另外再試下卥麵
檔主建議加入蒜蓉食
點知加多左勁濃......好難食
唔好以為4個人早餐食咁少野
其實酒店仲包早餐架，只係我地為食試下蝦麵之嘛
但亦都好彩食左蝦麵打底，我巡左2個圈都無野啱我食
時間尚早，去泳池望下，睇下可唔可以游個早水
好彩落嚟望左先，細成咁又淺水，兒童池嚟架下嘛?? 東話好似2個腎
我地12點幾先出發，仲有時間去後面超市shopping
我個目標係買麵，勁多選擇呀
上網search過，有人話蝦麵係必買
Kuali呢個牌子既蝦麵出名，連當地人都鍾意食
另一出名係亞萊白咖喱麵，超市無亞萊賣，但之後導遊會帶我地去一間買野景點到買
煮出嚟係咁既
入面有包辣椒蝦醬，落晒就辣得滯，所以搞到咁橙
對我嚟講落半包已足夠
湯底真係好香好惹味，但略嫌個麵少得滯，唔夠喉
香港一田都有得買呢隻Kuali 蝦麵，只係貴$8-$10姐
今日第一個景點就係坐呢D車睇檳城最出名既壁畫街
單戀雙城都係呢到取景，因為呢套劇帶旺左整個檳城，遊客必到景點
我地揀左架花車
呢個叔叔一路踩一路提我地睇邊到有壁畫
導遊預先建議我地落車後記得比tips MYR 2 = HKD 4
都好應該比既，年紀咁大烈日當空咁踩法，仲要踩出馬路，少D技術都唔掂
呢幅係較出名既功夫少女
睇我媽玩得幾開心
另一著名之作 - 姐弟共騎
今日lunch去食娘惹菜
唔帶去真係唔知呢間係一間餐廳，我會以為係車房
唔帶去真係唔知呢間係一間餐廳，我會以為係車房
娘惹服裝
非常惹味既一餐....原來娘惹菜都幾啱我食
導遊話食完lunch，要去多個景點消化下先可以去勁食榴槤
如果唔係對個胃唔好
所以我地就嚟到呢個參觀炮台喇
有歷史架，不過唔記得晒咯
炮台可以比我掛手袋
今日既戲玉嚟喇
任食果王....由紅蝦...D24...到貓山王....食得幾多就食啦
佢地會由淡味既紅蝦開始比你品嚐....再慢慢越食越濃
其實除左媽外，我地3個都唔鍾意食
不過一場嚟到咪試下咁出名既地道"美食"囉，乜都試下嘛
我媽攞住個貓山王勁開心
都唔明點解賣到咁貴，我覺得同其他榴槤無分別
我地唔算瘋狂，其他團友食到人地無貨咁滯
有班人特登駕車嚟食都白走一轉，檔主話比呢班人食晒
我食左幾舊真係頂唔順，要離開個棚呼吸下新鮮空氣
食到手都臭埋
食得榴槤多會好滯，其中消滯方法係用榴槤殼飲水
另一方法係飲荳蔻水，就算食左成個，只要飲左佢就唔會有飽滯感
但味道因個人而異，你可以想像下嶺南萬應荳蔻膏沖水飲果種味就知幾難頂
導遊關注到我地4點幾食完榴槤無耐就6點去食晚飯實食唔落
所以安排退返MYR20=HKD40比我地每個人作為晚餐費用
其實咁既安排都好既，反正咁早我地真係食唔落野
就算你包我地晚餐鋪到成枱野都無用
不過佢都照帶我地去呢個熟食市場食D小食
呢檔又係導遊推介之一
炒粿條即我地既炒貴勺，仲指明要男人炒先好食
多人一齊去有樣好，可以多D人share，每人食少少唔洗咁飽
隔離枱既蝦麵
本來我好想食多碗Laksa，但真係肚皮裝唔落了
導遊講左好多次當地人好鍾意食既囉吔
我地一於試下
囉吔係好多種生果撈蝦醬
唔係難食.....但唔會覺得好食....試過就算
返到酒店沖個涼hea一陣就開始食得落野
我地去左呢個food market開餐....距離酒店大概10 mins路程
普通一個油菜都會加肉鬆，但咁樣又幾好食喎
再食蝦麵，不過真係無今朝果檔咁好食
煎蠔餅
仲有食埋肉骨茶
呢餐大概MYR80 = HKD160
留言
張貼留言