19 Jun 2016 - Sun -
今朝要08:00出發由檳城去怡保
仲諗住食多次蝦麵，但又驚趕唔切，唯有繼續食酒店既難食早餐啦
今日去到怡保第一個景點係睇瀕臨絕種既紅毛猩猩
我地就係呢個碼頭上船喇
今朝要08:00出發由檳城去怡保
仲諗住食多次蝦麵，但又驚趕唔切，唯有繼續食酒店既難食早餐啦
今日去到怡保第一個景點係睇瀕臨絕種既紅毛猩猩
我地就係呢個碼頭上船喇
特登劃分呢個小島比猩猩們居住
島主既理念好好，保護瀕臨絕種猩猩之餘仲製造一個大自然環境比佢地
希望有一日佢地重投大自然，返去佢地既故鄉沙巴
感覺好似進入侏羅紀公園咁
唔知D電網夠唔夠電呢
有個專員會陪同我地介紹D猩猩，佢地話好難得先會見到呢隻猩猩爸爸
佢係長老嚟架，成日匿埋一邊抖涼，平時好少出沒於人前
連香港領隊都忍唔住影佢相
我問佢連你都要影?? 洗唔洗呀??
佢話黎咁多次都未見過佢
猩猩模仿能力好高
有個職員在網外掘泥種野，佢拎住D樹葉有樣學樣
因為佢以為掘下掘下就有野食
我地參觀時都會沿住呢條路睇猩猩，周圍都有電網保護住我地
其實..........到底係我地睇猩猩.......定猩猩睇我地呢??
呢3隻猩猩好搞笑，好有智慧架
職員唔會餵佢地，要佢地運用智慧攞生果食
目的希望佢地重新投入大自然時可自己生存
職員會將D生果擺喺木條上面，佢地識得執樹枝篤落嚟食，好得意架
如果呢隻猩猩攞到舊生果，左邊果隻係會拍手
但如果比右邊果隻執死雞，左邊果隻係會打右邊果隻架，慘慘豬呢
飼養員知道呢隻猩猩比其他2隻蝦，所以比一舊生果佢食
佢搞笑到食完會拍手
趁大家離開時，我地即刻同佢講幾聲阿彌陀佛
希望佢地來生唔好落畜道啦
正當走之際
我地先發現有隻黃色猩猩走左出籠
今日午餐地方
喺條漁村食飯，熱就熱D，但有海風吹住，感覺都唔錯呀
我發覺馬來西亞餐餐都有豆腐食，但佢既豆腐超滑超好食
魚蛋好爽口彈牙，真係食落塑塑聲架
食飽飽我地又搭船去下個景點
著晒救生衣咁嚴重，到底去邊呢?? 玩wakeboard??
其實就係出海餵麻鷹
佢地會倒D雞油落海
隻船一嚮horn，好多隻麻鷹飛出嚟食野
呢到住左大概過百隻麻鷹，但好可惜因為今朝有個學校團體嚟過餵佢地
好多已經飽飽無飛出嚟，我地只能見到咁少
怡保亦都有著名壁畫街
媽媽話何人可涼茶以前喺香港好出名，我就完全未聽過喇
呢到就係舊街場白咖啡，不過成個Malaysia都有，又唔洗特登喺到咁早買
我地有D團友自費跟導遊去呢個景點 - 沉香園 -
呢到成個山頭都係沉香樹
真係要索多幾啖空氣先得
白色果間係燕子屋，佢地種沉香樹全部都唔落農藥，唯有靠燕子捉走D虫
介紹員話呢到棵棵沉香樹都係寶，要揀棵攬下
我地3個當然唔執輸，照跟指示做啦
到東影相時，我媽問東攬邊棵
個死野竟然答: 我梗係攬你個女啦
身後呢棵係情人樹，本來由個團友幫我地影相
但有個職員可能睇唔過眼，主動問我地攞部電話幫我地影
果然係專業，用全景mode影晒成棵樹，佢影完仲好有成功感
當然我地都不停讚佢啦
我地睇返團友幫我地影果張
唔怪得個職員睇唔過眼啦...差咁遠
落返山，即刻買杯沉香雪糕食下先
從未食過沉香雪糕~~~仲要咁熱既天氣食特別正
再入室內任飲沉香茶
我地不停斟不停飲，cheap味勁濃
夜晚去呢到食芽菜雞
仲諗緊咩係芽菜雞，死啦，我唔食芽菜架喎
黃薑飯河粉任食
呢碗河粉簡直痴線，好味到不得了，河粉超滑，湯底勁甜
我一個人食左一碗
爸媽&東食完碗飯見我講到咁好味，佢地再食多碗粉
原來芽菜雞意思係分開咁理解架，芽菜還芽菜，雞還雞
Malaysia芽菜又肥又短，同香港好唔同
導遊話有人嘗試引入馬來西亞芽菜帶返香港種，但種極都種唔到，土壤同水質問題
又有超好食既豆腐
點解可以咁有豆味咁滑架
每人送杯涼茶
主角出場
導遊話以前覺得我地香港人好奇怪，點解D電視節目話食雞有雞味
而家佢先明原來香港D雞係雪藏味，真係無雞味
所以我地覺得呢碟雞真係好好食
留言
張貼留言