20 Jun 2016 - Mon -
呢幾日完全公主式享受，2個男人不停爭住服侍我，真係好幸福既姐
我去等個腸仔奄列，東又話幫我等
我諗住去淥碗河粉食姐，爸又爭住幫我淥
唔通我比你地既感覺好一事無成???
最後唯有只係拎杯橙汁返位等食啦
我地喺酒店嘆埋個早餐就出發去吉隆坡喇
唔通我比你地既感覺好一事無成???
最後唯有只係拎杯橙汁返位等食啦
我地喺酒店嘆埋個早餐就出發去吉隆坡喇
搭成3個鐘頭車先去到吉隆坡
第一個景點係首相府
有嚟過既團友話嚟幾次都見唔到馬先生站崗
今次我地見到咪即係好lucky??
咁我地呢個trip都幾好因好緣喎，猩猩王又見到，馬先生又見到
我地只係閘外望入去已大到咁，洗唔洗咁浮誇呀
突然想像如果可以喺到三步一拜入去首相府都唔錯呀
跟住就去市中心參觀
呢到就係Little England，係英國統治時期既建築保留到現在
我係唔會放過任何可以高過阿東既機會
死都唔比佢企上一級
今日既午餐食肉骨茶
不過馬來西亞肉骨茶無星加坡咁好食，無乜藥材味
跟團真好，餐餐豐富又好食
呢間飯店門口有榴槤賣，貨源出自老闆自己既果園
其他團友當然唔放過呢個機會，食完午餐咁飽都照買嚟食
其實媽都心思思架喇，只係我地無人陪佢食，所以無乜興緻買
之後去多2個購物景點
買白咖喱麵 & 千里追風油後就返酒店
吉隆坡間酒店真係好靚，對面係基層住既公屋，好似以前香港舊式公屋
房又大又乾淨又舒服
酒店泳池同GYM ROOM都一流，我地第2朝仲可以去游水
以下既旅程又係自費景點，如果唔自費就白無聊賴自己去玩
導遊帶我地去食架吔麵包+白個B (馬拉話，即白咖啡)，可以揀凍或熱
當地人喜歡將麵包點生蛋汁嚟食，加D豉油&胡椒粉，味道一流
唔飲都扮下野嘛
開心死佢啦，又可以飲"個B"，不過白個B較甜，唔啱佢口味
比我地發現左餐廳有貼三陽和諧呀，唔通大家都係佛光人??
但今年應該係聰敏靈巧喎，羊年過左啦，同埋點解隔離擺棵聖誕樹
問左店員，佢地話有人派咪貼下囉原來唔係自己友
唔知點解見到關於佛光野都會有種好親切既感覺
呢個景點係吉隆坡塔
連支水都係塔形
原來吉隆坡D樓係咁密密麻麻架
可以望到好遠，偷窺緊一班學生喺操場練習緊
我諗住遮住爸爸既視線
呢條友扮緊Apple教主
我就扮緊失戀
(唱: 可以笑的話..不會哭)
導遊帶我地去一個大型shopping mall
佢話呢個係風水格局，因為對面有個水池吸財，所以呢到就放粒大型鑽石鎮住
就係身後呢個噴水池喇，3個大碗裝晒D財呀
夜晚去左呢條食街開餐
去食好出名既黃亞華燒雞翼
有個好出名既牌子"我來也"雞肉乾都係呢條街買架
呢餐都好正，我日日咁食法..暴肥左好多
我地今日提早食飽飽等司機叔叔可以19:30食飯
呢個月係回教徒既齋戒月，佢地由零晨5點半至夜晚7點半都唔可以食野飲水，吞口水都唔得
所以佢由4 點食完早餐到而家都未食野架
好欣賞佢地對自己宗教戒律既堅持與虔誠
呢D完全係意志力既磨練，由細訓練到大
留言
張貼留言