婚姻大事豈能兒戲。訂酒席篇

決定擺酒時，好多新人都會有N樣野concern......

到底酒店定酒樓好? 場地又夠唔夠大? 樓底又高唔高? 地區又應該邊到好呢? 

好多新人都會為搵場地而煩惱，亦會花好多時間在這方面

但我地反而完全無難道，仲好快咁去婚展仆鎚添~~

因為我同東目標好明確，食物質素最重要，雖然自己無得食姐，但都想出席我地婚禮既親戚朋友有啖好食

一般酒店中菜既水準都唔及得上酒樓好食 (當然高級酒店可能例外啦)，再加上budget所限，所以酒店已經不作考慮

酒樓都有好多間，我又唔想揀D婚宴專門店果類，因為食過好多次真係唔好食

有次同媽媽出荃灣睇下D酒樓既場地及價錢，原意想揀綠楊坊間美心大酒樓，因為去開飲茶都覺得野食唔錯，場地又四正，無柱無遮擋，樓底極高，但可惜既係新娘房無洗手間，我零可能著住成揪野去隔離商場洗手間架喎，所以呢間都唔洗考慮

去到荃灣廣場頂樓見到有鴻星，新開左只有一年，首先比佢個門面吸引左

開放式設計，就算地方唔大但望落都唔覺壓迫


*Picture quote from website*




酒樓經理好nice，就算喺早茶繁忙時段都帶我地入去睇場，仲好細心咁講解
睇場後感如下：

- Max 34圍，擺到28圍已可包場，min. charge 17萬
- 2個新娘房用，雖然細D，但2間都有獨立洗手間，唔洗個個逼埋入1間房
- L型場地唔係個個肯接受，但反正我地又包場，場地又靚，我又覺得無乜問題喎
- 樓底較矮 (其實呢點我無留意，係我哥呢D專業人仕先留意到)
- 全場既櫈係特別設計，唔係一般酒樓既櫈+椅套


*Picture quote from website* 


台都有2個，包場後可打通2邊，右邊既partition會移走，咁無論坐邊圍都睇到個台啦

到時大家記得同我揮手

台上既decoration 已有齊，無論中式定西式都可自由選擇，地台亦鋪晒毛毛地氈，可以慳返佈置場地錢~~ 結婚真係好多錢要洗，慳得既都想慳


*Picture quote from website* 

最後再睇埋菜單，問左最緊要有冇全圍既素菜，因為我地道場都有好多朋友要邀請，素菜對我地嚟講極重要，有D地方只有段位計，無全圍素宴，而鴻星就可以2樣都有


基本上我好滿意，但咁都唔夠，最緊要係媽媽滿意，佢睇完都好鍾意呢到，揀場地唔難，過到媽媽呢關先最難，既然佢都咁滿意，咁我都唔洗考慮其他，就決定呢間啦

可能先入為主，之後我地再去其他酒樓&club one睇過都唔係太鍾意，始終都覺得荃灣鴻星好

鴻星經理好好人，仲叫我地6月去會展個大型婚展筅訂酒席

去婚展之前喺WOW做足功課，上網睇左好多訂酒席注意事項，睇到有D O咀，有成124條問題咁多，我集百家之大成，喺以下124條抽左56條出嚟問  

睇左以下既list，真係學到野既...有好多自己都唔知需要問，但其實都好重要

同埋最緊要contract black & white寫清楚，當日大日子無謂爭拗丫嘛

睇場
1	員工服務態度
2	樓底會唔會唔夠高, 感覺得侷促.
3	個場是否迎合我的圍數, 會唔會太迫 or 太大
4	場地燈光會唔會過暗.
5	餐具 & 桌椅 & 擺設會唔會好殘舊
6	新娘房位置，有咩設備？有冇獨立廁所？(應近佈景板)
7	廁所位置及數量？廁所衛生環境？
8	迎賓位置? (可否較大, 方便放油畫)
9	floor plan: 當日俾邊個位置，有無指示牌比親友，易唔易入去。睇下有冇柱。
10	有冇圍板? 到頂(會隔音D)
11	每席相距幾多? (不要太迫)
12	廚房位置 (太遠d食物會唔夠熱)
13	誰負責follow-up 當晚的rundown
14	每圍有幾多位侍應serve我地? 額外增加人手費用多少? 有冇專人負責 PA?
	每席確保最有一個待應生，主家席2名待應生
15	可否用花炮/手拉紙炮? 要不要清潔費?
16	有冇中式茶具(敬茶用)？
17	是否有咪給司儀?
18	如果擺 Photo Corner/Candy Corner 有冇額外既枱？
19	有冇 reception desk？
20	有冇 BB櫈？
酒席價錢
1	min charge幾多?幾多圍包場？
2	價錢是否會隨著市價變動? 必須定好價錢.
3	是否已免茶芥加一服務?免加一係所有野全免加一？?
4	除加一外, 有否其他需另外收費用的項目, 如有請列明, 列明後必需註明(其他不需額外收費)
5	席數可否增加減少?
6	如增加席數, 酒樓有多少位置給加席?
7	如減少, 餘下的席數怎樣處理? 可否取消, 退款? 最多可退幾多?
	或是後補再食, 如後補限期多久?
8	如訂左25圍, 但最後只有24圍人黎, 咁送既優惠會跟20定25圍既優惠?
9	如遇颱風/ 黑雨 或意外, 須取消婚宴時, 訂金將如何處理?
10	如取消訂單需提前多久通知?
11	每席12人，多左人數點計？如某些席數有十三人，件數的菜式(如蟹鉗)會否加碼，費用又會怎樣計？ 需要我們通知還是自動轉???
12	唔食翅可以轉乜野？ 如果唔食翅，可否轉其他花膠或燕窩？
13	轉菜加幾錢？蟹皇翅/海星斑/合桃露湯丸
14	如有客人要素菜點計?
15	合時鮮果指咩生果？果盤定係橙／柑？代訂要幾錢？
16	自己帶生果需要另外收費嗎?
17	存菜要不要另外比錢?
落訂須知
1	幾時1訂, 大訂?
2	菜單幾時要confirm ?
3	圍數幾時要confirm ?
4	場地方面, 幾點可給人prepare or 入席
5	擺酒當晚時間是否有限制?幾時開始service及結束時間
6	最遲幾時要離開交場?如超時是否需要補水?
7	套飺內有否包括 : 多少喜帖, 賓客名冊, 主禮人襟花, 椅套, 簽名紅布, 簽名毛筆, 糖果, 瓜子, 酒水, 香檳, 結婚蛋糕
8	附送項目必須得到確認, 必要時於單上列明.
9	清楚列明茶, 芥, 鵲局, 撲克, 開瓶費, 啤酒, 汽水及席前粉麵的價錢.
10	菜式必須列明 :如清蒸紅斑, 不要什麼海上鮮(註明幾重), 魚翅必須列明雞絲生翅或鮑魚生翅(當中列明等級及份量)
11	菜式內容應向宴客部詳細查詢，注意一些虛張聲勢的字眼，例如如《吉祥海上鮮》或《龍鳳百年好合》等，要清楚訂明菜式內容。鮑魚或魚翅、乳豬是全隻還是部分，均要清楚列明。
12	所有席前ORDER, 必須經由主人家或指定人簽名才可落單.
13	繳費方面，是否可以分期付款? 分期付款手續?
14	用支票, 銀行本票, 禮券, VISA, EPS,(可否幾樣夾埋), 如有以上服務是否需要另加服務費?
15	結帳時信用卡免手續費可碌多少
16	訂席時，別忘記安排一間新人休息室，以及問明有沒有保險箱設備等。
17	在落訂酒席時需訂明租用哪個廳，若婚期為好日，更須於一周前確認租用的場地，以免酒店或酒家雙重取訂。
18	新人要在婚宴開始及結束時，點算清楚自備的酒水數目，以免發生誤會
19	將一切與酒席負責人達成的共識明載入訂單的合約內，以免日後爭拗。
20	如場地因任何問題(包括僭建)而清拆/取消, 會賠幾多?
酒水
	開席前
1	席前粉麵、小食及飲品是否全部免費？如不是，爭取奉送席前粉麵、小食及飲品。
	如不可以，要問清楚價錢及爭取打折。(如：席前粉面-北菇,肉絲,干燒伊面 & 席前雜果賓治)
2	如免費的話會有幾多碟?
3	入座前小食是什麼?
4	入座前飲品是什麼
5	fruit punch是否免費 還是只是有折? 如免費的話會有幾多
6	自攜西餅/蛋糕/小食/粉麵/酒水是否收錢? (bargain不用收)
7	自攜西餅/蛋糕/小食/粉麵/酒水，會否有人幫手service D 人客?
8	每一檯有否糖或其他小食、席前瓜子、糖果供應
	開席後
1	自攜酒要不要開瓶費？紅酒、烈酒分別幾多錢？免開瓶費的話有冇 Quota？
2	包酒水? 酒水任飲多少錢?
3	酒水是否包括橙汁?
4	橙汁是鮮橙汁定係OJ or果汁先生
5	啤酒，汽水是什麼牌子 ?
6	酒水任飲幾時開始，是否開席後？(最好5時左右)
7	每席汽水啤酒的配搭可否改?
8	有冇送紅酒或烈酒？係咩牌子?
9	紅酒及VSOP可否自由配搭
結婚 cake
1	結婚 cake 送幾多磅 (用來食那個)?
2	免費贈送結婚蛋糕 - 席前食用or Coupon?
3	結婚蛋糕係酒店/酒樓自己整? Or 出面公司整?
4	如是出面公司整, 可否加錢upgrade?
5	如是酒樓/酒店自己整, 唔要的話可否回贈現金? 如可以可回贈多少?
6	結婚蛋糕供拍照用有多少層?
娛樂
1	麻雀是否免費任開?
2	麻雀服務是否已包括台紙, 籌碼, 台燈…?
3	能開多少台麻雀? 擺位如何?
4	有冇免費啤牌？自携樸克牌另收費?
泊車服務
1	有否免費泊車服務?
2	免費泊車有多少個鐘 (以每席計還是加起來的一個總數?)
3	免費泊車有多少部? (個幾部係當日不限時間 / 可免費泊幾多小時?)
4	有否專車到指定地點接送賓客?
5	專車幾多點開始有？有幾多架？
6	免費提供豪華花車接送服務五小時連司機? - (5小時係連續計定可以分開計? 有無限幾點?)
	散席
1	免費送旅遊車? 有幾多架?
2	「2程」- 意思係可以揀一架車一個地點? 定係同一地點有2班車?
3	如選擇地點係最近港鐵站, 可否同一架車來回走幾轉?
酒樓音響及電視效果
1	有否獨立侍應負責音響?
2	有否無線咪設備？如有, 有幾多支?
3	可以播咩格式既碟? 免費播放VCD + DVD+-R + VHS提供
4	免費3D婚禮動畫VCD
5	是否免費提供投影機,螢幕,音響,射燈及影碟機材設備？
6	有那些音樂提供選擇？
7	進埸音樂有沒有得揀?可否自己安排音樂CD？
8	有冇咩Equipment : CCTV 直播,DVD, VCD, Karaoke ?
9	Projectors or TV咩比例? 4:3? 16:9?
10	有冇追燈？
場地佈置
1	免費場地佈置?
2	唔要附送既佈置的話, 可否回贈現金? 如可以可回贈多少?
3	場地佈置包d咩? (如 reception desk, backdrop, 油畫架, etc)
4	如包括佈置, 交場時是否已佈置好?
5	佈置:鮮花定假花？
6	Backdrop 是否包CUT字 (即係貼係BACKDROP個d e.g. GARY & CHERRY )，如果自費要收$$ ？整套一般為$350
7	舞台背景中文或英文禮堂掛字是否免費奉送？
8	迎賓處鮮花裝飾及每席鮮花擺設?
9	有沒有油畫架? 免費放油畫架提供
10	免費使用傳統中式龍鳳掛帳及禮堂掛字
11	每席佈置點樣、主家席點樣？
12	Head table 同 guest table 枱布同餐巾既顏色，椅套顏色
13	椅套是否免費？屈送全場椅套
14	有些酒樓只包主家席,其餘每席收費,全埸椅套要加多少錢(約80)
15	如有露天場地的佈置是否需要另外收費？
送
	襟花
1	有冇襟花送（鮮花定假花）？
2	送幾多個？
	嘉賓提名冊
1	有無嘉賓提名冊送?
2	款色? size？
3	幾時要決定?
	請帖
1	有幾多張請帖送?  每席多少張?
2	是包唔包印刷費?
	蜜月客房
1	酒店送乜房? 可否Upgrade？
2	幾時Check in? 可唔可以Late check out?
	Others
1	是否提供合巹交杯用之香檳一枝(及杯)？
2	當晚證婚既話，有冇戒指枕？有冇羽毛筆？
3	提供唐餅(奇華)優惠卷 Coupon?
4	西餅咭折扣優惠?
5	送回門乳豬?
6	有否立體座位表提供？
7	婚紗攝影現金卷?
8	免費租掛係邊間公司？
9	外租婚紗券係邊間婚紗鋪？
服務
1	前一晚可否拿些東西來存放，eg回禮小禮物..油畫,相簿個 d
2	散席後可否留低一些東西第2日才取回
3	每席確保最有一個待應生，主家席2名待應生
4	上菜時侍應會否幫手分菜？
5	可否預早幾日可以去試 Video, background music，仲可以睇下佢地既燈光？
6	有沒有提供掛放晚裝禮服及燙衣等設備。

結婚最大壇既酒席同pre-wedding都搞掂，可以專注學業，出年完左第3個sem先搞淨返果D啦

唉~~~諗起都覺得好趕