My last single birthday in 2016

今年可以算係我既last single birthday

因為明年今日，可能我忙到甩碌，又唔可以見東

所以今年要好好2人世界

今日去左塔門野餐，親親大自然

Plan好晒時間搭車，因為要就1個鐘先得1班船去塔門

但去到黃石碼頭，會有人撩你搭快艇，$20/人

相比起正常船$9.5係貴D，但慳返好多時間

反正仲有半個鐘先有船到，我地決定唔等，搭快艇，一嘗著草滋味

幾驚要搭右邊果架船.....會唔會撐撐下沉鬼左架

影相睇落好平靜，但實則快到嘔

好彩紥行左個頭，如果唔係吹到顛雞咁唔洗旨意影相

唔洗10 mins已經到達塔門

久仰大名，想嚟好耐架喇，次次都無機會

第一站會到天后廟，上去大草原都係要經過天后廟

未開始玩行到上嚟已經成身濕晒






好靚好relax既一個地方

仲有好多牛牛

完全唔健康既野餐....只得零食

食飽飽我地就坐草地準備放風箏

隻風箏又幾抵玩，已經玩過2次都仲未爛

今次我地一人放一隻

繼上次5星戰隊，原來另一隻係超人，男人揀野D taste真係...

唔知點解隻超人飛極都飛唔起






5星戰隊就飛到線都用盡

今次勁呀，好輕易就飛到咁高

多番嘗試終於連超人都可以起飛喇

我地就係咁喺太陽底下乾煎住放風箏

中途有隻牛叔叔嚟摷我地D袋，我地又要顧住隻風箏，又要顧住包包，好狼狽

最後比牛大哥食鬼左我地2粒恐龍蛋，仲要舔到成個袋都係口水

我地仲試玩左360度影相果部機

如果入條link睇仲可以睇晒全景架

夜晚東特別為我安排去The Cabin撐枱腳






因為今日星期一無乜客，東可以得戚咁話自己包左場

呢到D燒腩肉始終不及荃灣好味

唔怪得咁著緊夜晚一定要留守西貢食啦，原來已有安排

東終於肯花心思在我生日上

By the way, 呢個蛋白烤餅真係超甜，好似食緊肚臍餅上面果粒肚臍咁

不過最估唔到竟然有生日禮物

呢份禮物仲意想不到....竟然送鑽石鏈比我...唔洗咁貴重下嘛

不過我今個生日好開心呀....多謝您終於肯花心思同我慶祝....I love you so much