裝一次修真係命都短幾年，我都話唔好咁快結婚架啦，所有野都逼埋一齊做，我又要忙搞結婚野，又要忙讀書，而家仲要一家大逃亡
突然裝修都係媽既主意，我本來預算出年臨結婚前先做，但媽又覺得季節及天氣問題，所以提前10-11月裝修係最適合不過
唉....是但啦....辛苦D一次過搞晒所有野希望換嚟出年既輕鬆啦
淨係pack野已經pack左成個月，阿媽D雜物係海量咁多，樣樣都唔捨得掉，結果真係用晒運輸公司30個紙箱，10個衣袋....實在太誇張!!!
由於屋企太多雜物，同埋大部份傢俬都唔會掉，所以我地一定要存倉
存倉每月租金：$1800
搬運費用：$3000/程 (包拆包安裝) 因為我地要入倉，所以需要比來回$6000
30個紙箱+10個衣袋：$300 (經講價後佢唔收呢個費用)
由9 月尾開始已經執野，太耐無著既衫同埋毛公仔就捐去救世軍，為左接受將來人妻既生活，好多裝飾品都要捨棄，我已經忍痛掉晒全部HelloKitty擺設，因為將來個床頭唔會有咁多位比我display晒D kitty喇~~~但係Kitty毛公仔依然唔捨得掉，死人都keep返
哼~~今日為左你我捨棄晒心愛既擺設，如果第日你有負於我你就去堆填區掘出嚟還番晒比我
講返間屋先....因為裝修後我會侵佔大房，所以我地順便打做一間理想既安樂房
間房細細但要容納好多野，地台床係最理想既選擇，本來諗住返大陸做傢俬
不過因為我想做油壓床，阿哥驚大陸果D油壓撐唔穩陣，所以比返佢既裝修師父度房訂做
另外廳既組合柜同媽既衣櫃就返大陸做喇
今次裝修主要原因都因為天花板濕氣太重，好多油漆都剝落
所以重點在鏟晒成屋個底，重新鋪灰再油過
希望可以快D完工，裝修完仲要大清潔，仲要unpack，呢D都係痛苦既工作
11月尾仲要影PW，如果未搞得掂咁就麻煩喇
而油方面我地揀選用立邦金裝抗甲醛淨味全效呢隻，會貴D，但對人體好D
但色板始終同實物有色差，同埋睇咁細格既顏色又點聯想到成間房既感覺呢?
所以我用左Nippon I color嚟試下心目中既顏房用落房既效果，都幾好玩架
http://www.nipponpaint.com.hk/icolor5/index.html
首先大概揀左你間房既類型，唔會有預設既房同自己一樣，所以大概得喇
我係地台床，所以當地氈係整個地台，set埋床既顏色就可以開始試唔同顏色落main wall
當然我會試左我最喜愛既米黃色先啦，左圖係standard color，右圖係電腦調色系
雖然我好想房內用米黃色，但配襯出嚟效果好似麻麻
再試下藍色...2幅圖都係standard color...只係一個深一個淺
我同東都一致認為右圖既藍好睇D
到爸間房喇....佢想要Tiffany blue...所以我就整左呢個效果比佢睇
左圖係standard color，右圖係電腦調色系
廳我地會選擇用米白or象牙白，不過白色相差不大，比較難睇到個效果
暫時我地一家三口搬去2哥到住，好彩多得佢地收留，我地慳返筆住酒店錢
始終我地都唔知間屋幾耐先搞得掂，全屋裝修已經要洗筆錢，仲有做床做傢俬，如果仲要住埋酒店都真係要洗好多錢，到時仲要餐餐出街食，又係錢，所以真係要慳得就慳
有晚我想靜靜地睇下D paper時細佬喺到玩煮飯仔，佢好細心咁執開晒電腦枱面D野，原來就係為左煮成枱野比我食
對住佢地都唔似好嬲定好笑.....結果...我係一份paper都睇唔到
留言
張貼留言