22 Oct 2016 - Sat -
我倆一直都想在香港影輯pre wedding
始終都係香港人嘛，點可能唔喺自己地方影輯相呢?
雖然PW又唔可以講一生一次，但結婚過後你的確唔會花咁多金錢同時間去不停影
有日同東傾開，如果要到出年5月先影仲趕唔趕得切印相簿呢?
提前1-2月影又驚好凍，3-4月春天仲又濕又凍
最理想係11月架喇，乾爽又清涼，好命既話仲夾到紅葉時間添!!
就係呢句，東即刻問佢個攝影朋友11月可唔可以抽1日時間幫我地影
攝影朋友好快答應之餘仲話唔收我地錢添
無啦啦有輯免費香港pw，好開心呀...不過突然搞到自己好急趕，唔通呢D係我既宿命
自己影PW其實都好多野要安排架
自己影PW其實都好多野要安排架
地點方面
我地好鍾意城門水塘既feel，所以呢個景點係必影
亦同攝影朋友溝通過，佢話可加插2個日景：迪欣湖同美孚公園
但我唔想佢咁辛苦，所以只決定去迪欣湖同城門
咁樣中間有個break可以食下lunch，唔洗咁急趕
而夜景佢提議影中環摩天輪，其實我都無乜idea夜景邊到好，所以邊到都無乜所謂啦
MUA方面
我連big day MUA都未搵，妝又未試就直接打比朋友個朋友用過既MUA問佢果日有冇期
無乜幾個可以好似我咁勇，妝都唔試就直接confirm
我都唔知佢啱唔啱我架，博一博架咋~~
不過佢係尖沙咀某大貴價婚紗舖既化妝師，我諗唔會差得去邊卦
租車方面
東好叻，搵到個價錢比較平既7人車，如果係公司經營要成$2000/8個鐘
但呢個係私人接job，所以佢只收$160/hr，最低消費8個鐘，即大概$1300，平好多呀
但呢個係私人接job，所以佢只收$160/hr，最低消費8個鐘，即大概$1300，平好多呀
衫方面
好彩之前提早為big day搵定租衫舖，喺Hanayome買左package咁先無咁急趕
如果唔係....我呢個月就要周圍搵舖頭試衫喇....諗返起都覺得好彩
可能係觀音菩薩知我忙於讀書期間仲要搞結婚...壓力好大....所以幫我提早安排
反正有4件衫既package喺手，我可以先用3件先，到big day時我再睇下要幾多件先考慮加大個plan定當額外加衫計，如果額外加WG/男禮就$800/件，加婚紗就$1300
因為影PW果日係禮拜6，實好多衫比人hold左，所以我拿拿臨約時間上去揀衫
我試左勁多衫，以下係海量圖
首先試婚紗
第1件就拎件咁正既出嚟，搞到我勁鍾意，本來big day無諗住著呢類都可能考慮呢件
呢件無論前後擺都好閃好靚，最喜歡就係lace拖尾
可惜我最後PW無揀呢件，因為屬於高危勾爛一族
我仲要去D咁多樹枝既地方，店員姐姐們都唔建議著去PW，實賠硬錢
因為影PW果日係禮拜6，實好多衫比人hold左，所以我拿拿臨約時間上去揀衫
我試左勁多衫，以下係海量圖
首先試婚紗
第1件就拎件咁正既出嚟，搞到我勁鍾意，本來big day無諗住著呢類都可能考慮呢件
呢件無論前後擺都好閃好靚，最喜歡就係lace拖尾
可惜我最後PW無揀呢件，因為屬於高危勾爛一族
我仲要去D咁多樹枝既地方，店員姐姐們都唔建議著去PW，實賠硬錢
第2件係長拖尾魚尾，我終於見到你喇魚尾小姐，上次試魚尾婚紗時已好鍾意
但可惜上次出左街，無得試呢條，今日卒之試到
不過呢款既韓式一字膊我唔太喜歡
拖尾又係我超鍾意既lace透紗，但好明顯....呢件又係高危野....賠錢指數爆錶
之後姐姐們就攞左適合PW既婚紗比我試，都係齊地款式，唔怕勾爛
咁當然無上面果2件咁正架喇，呢D咪要取捨囉
之後就到晚裝喇
呢件睇相己好鍾意，一試當堂愛上，可能我平時著衫都鍾意灰色，所以我真係覺得好靚
但當然同行朋友都有反對既聲音啦
但唔係件件灰色都靚，你睇呢件超難定，小鳳姐上身
我自己著完都顛喪咁笑，搞到Hanayome姐姐們都同我地玩埋一份
右圖我係唱緊婚紗背後
呢班朋友擺明玩野，明知我最憎綠色就偏偏叫我試綠色
就算你地講到幾好睇都好，我都係唔鍾意，連相都唔想影
呢件仲唔掂....好似睡衣咁
自己試完出嚟都覺得好有睇頭，出場時已叫佢地冷靜D，小心噴血
點知一擰轉時大家鴉雀無聲......仲超我....話有幾勁姐........
呢件係店員阿婷揀比我試架，根據試衫經驗，我著紅色係唔好睇，但無諗過自己著到酒紅色
現場睇真係好靚，裙擺都好特別
初初仲以為佢叫我PW著，但原來預我big day
絹面紅色長裙，好有公主feel，但唔適合我
試埋條鮮紅魚尾，呢班人硬係騎呢，當我唔覺得有幾噴血時佢地竟然we嘩鬼叫
中間位開胸，睇到南北半球，但我真係唔覺有幾sexy喎
其實我已經過晒試衫時間架喇，但店員姐姐們都好好，比我試埋呢件
所以話Hanayome d 服務真係好好....大家都好玩得，完全無黑臉，試衫過程勁開心
而家到我個型仔東出場喇
model身型真係model身型，著乜都咁鬼有型既
型到咁，自己都忍唔住撲埋去影返張相
留言
張貼留言