Tung's last single birthday

11 Nov 2016 - Fri -

今年已經係東最後一個單身既生日，從出年開始脫離光棍行列

本來應該要好好去慶祝，但真係好對唔住

呢幾日公司要training，唔可以請假，只能夠夜晚食餐飯仔

今年我並沒有挑選甚麼有情調既餐廳

我而家寄人籬下，咁既身勢衫都唔多件，去乜鬼有情調餐廳丫，去大排檔就差唔多

所以我安排左去葵興工廈區食飯

東初初都好疑惑到底去邊，點解會嚟到D咁既地方

但見到個門口都好愕然，點解工廈區會有間咁既野呢??

推門入去原來係另一遍天，到底食咩既呢??

其實呢到係食semi-buffet架，但佢同其他唔同

一般既semi-buffet係得一道main course，但佢有成9道菜，飽到根本唔洗出去攞其他野食

首先出場有刺身及長腳蟹~~ 唔夠食?? 出面亦無限量供應

仲有煎大蝦

身邊有個願意為你剝蝦的男人是幸福的

磯燒鮑魚好好味

好似係芝士蟹肉包

咁鬼大個包，當然食唔晒，食左半個就打佢入冷宮

茄汁蟹肉意粉

今次我醒，見到隔離枱上左呢碟意粉，我即刻叫waitress將我地碟野份量減半

飲品方面有罐裝飲品，啤酒，橙汁，蜂蜜綠茶，咖啡奶茶檸茶檸水任飲

中西湯都有

重有生蠔任食，揀呢間都係因為呢樣野咋，東非常喜歡

清清地一碟娃娃菜，不過略嫌淡味左D

仲有羊架，又係東既喜愛系列之一

汁燒三文魚骹

個味唔錯既，魚骹都好滑

仲有安格斯牛肉配粥底鍋，東就發達啦，可以獨吞晒所有牛肉

仲有專人淥埋比佢食，生日待遇係優厚D架喇






你可以揀粥底或湯底，出面有好多火鍋配料比你慢慢淥，粥底任添

不過咁多野食，我地都無攞過

最後甜品唔記得左係乜，好似係燉奶

唔啱食可以出去攞雪糕，或者整雪糕pancake

Happy birthday my dearest

食個雪糕pancake當蛋糕啦