23 Jan 2017 - Mon -
人身大事真係有好多野要安排，踏入2017年第一項KO既item係男禮
一個婚禮上，唔係淨係得女主角要著靚靚
男主角既衣著都極其重要，因為全晚男女主角都企埋一齊
一件合適既男禮除左突顯出男仕既型格及主角地位外，仲可以襯托出女主角既美
所以喺呢方面我地都絕不求其，亦都多得我有個專業阿哥先可以揀到間咁出色既男禮
§
§
§
蘇老闆既男禮果然名不虛傳，一入到舖頭已有種好尊尚既感覺
店員會先了解你既喜好及身型，再幫你挑選最適合你既男禮
當然我地都好相信佢地既專業眼光，因為佢地揀男禮多過我地食飯
佢地最能夠了解咩身型適合著咩款
我地講唔要好formal既黑色，要型要Grand
店員已好快揀左件比我地試，仲揀左我地最想要既藍色
我地2個都不其然講 "我地咁啱真係想著藍色喎"
初初佢揀燕尾比我地時我地都有D猶豫
因為見過好多人著燕尾都唔好睇，著到成隻企鵝咁
但店員哥哥好有信心話東一定著得好睇，而佢有句講得好啱
平腳西裝平時著都得，但只有結婚先會著燕尾，所以一生人一次，一定揀燕尾
結果真係著得好有型，當堂重新愛上東
店員亦好細心為我地襯晒成set，連袋巾都襯埋
即刻感覺唔同晒，好gentleman
喺白燈下藍色會突顯D
另外我地想迎賓同March In唔同，所以叫店員比我地試戴呢款Tie
果然換左Tie感覺都唔同晒，同一套男禮但有2個style
東都好鍾意，仲自戀症發作，睇相時都讚自己有型
就算著長燕尾，一樣顯得高大
見你著得咁有型真係好開心
留言
張貼留言