蒸走一身肥豬膏

幾經辛苦....死晒好多腦細胞...白頭髮都出左半個頭....我終於搞掂份一萬字既畢業論文喇😭

要怪只怪自己細時唔比心機讀書，搞到而家咁折墮

人地個個禮拜六日就係諗去邊到玩, 我就只能留守Poly做到天昏地暗

眼見同期結婚既wow友都搞得8899, 但我除左book晒D大野後就乜都未搞過

好彩個course都差唔多尾聲，而家搞掂份最大壇野已經無咁擔心

今個禮拜要開始做最後一份paper，要到5月中先解脫

畢唔畢到業就唔知喇，我盡左力了，唔合格我都算喇，實在太辛苦，再讀我真係頂唔順

今次打尖都要出左呢篇blog先，因為實在太正，太值得推介

經好友介紹，一試就愛上呢間美人蒸，好想試下坐住咁瘦，坐住咁靚

呢期好興呢D蒸桶，有蒸腳同蒸身2款，N種選擇，N種功效

蒸腳$78/45 mins 蒸身$198/30 mins

如果join package當然抵D啦，個package仲可以同朋友一齊用，真係諗得過架

再加上喺葵芳，對我嚟講好方便

雖然朋友介紹知道唔會呃人姐

但初初去到陌生環境都唔敢咁坦蕩蕩蒸身既，我地試蒸腳先啦

見到張list咁多選擇，又瘦身排脂 / 去水腫 / 去風濕 / 抑痛解壓 / 通經化瘀 / 抗衰老等等

我樣樣都想要喎....點搞呀大佬

有選擇困難症既我地交左比老細作主，佢提議第一次先幫我地去濕排毒先

因為做完效果會明顯D

呢到地方需小，但蒸腳每次都容納到8-9人，幾個朋友一路蒸腳一路吹水，爽呀~

唔需要擔心蒸氣溫度太熱，溫度可自由調較，無論皮薄皮厚都無問題

鍾意既可以蒸住休息，又或者好似我地咁selfie下，上下網都幾relax架

我忘記左影蒸完後隻豬腳，同埋重點在桶水

蒸完後排出既水份因人而異，而你會發現有點點白色喺水面，呢D就係體內既油脂

返到屋企你會見到隻腳出現好多網紋，唔洗驚以為皮膚敏感，其實係D濕氣嚟架

出網紋代表排出濕氣，散晒就無事