婚姻大事豈能兒戲。婚戒/喜帖/餅咭篇

係時候要update返D婚禮鎖碎事

眼見自己進度落後人地咁多，book晒大野後都未得閒搞其他野，我地都要加把勁

趁3月有大型婚展，拿拿臨去睇下有咩未買/訂，我地今日既目標係KO婚戒+驗身package

在格價期間真係令人傷心，我發覺比起1月時既婚展所有野都加左價

最衰自己無乜時間做research，睇啱就要儘快book，咁先可以慳返d

先講喜帖

雖然我唔係在婚展KO喜帖呢個item，但我上年在婚展選擇鴻星真係一個明智既決定

因為鴻星真係好多野送，其中包括喜帖，由本來每席8套講到送10套，確保我一定夠帖派

仲要講緊係包帖包印刷，無古惑位，咁我呢個item可以零支出

印帖唔係話要洗好多錢，但慳得1蚊得1蚊嘛

我地對帖無乜要求，所以好快可以在咁多款帖中揀到心水，以下係其中2強

呢款有3種顏色，傳統大紅底，呢張暗紅底，同埋粉紅色珠光底

呢款有嫁娶字眼比較特別，初初以為一張帖只得嫁或娶一字

我地仲好傻仔咁諗咪要計下男女家各派幾張預數量囉??

但原來係3頁式設計，所以派帖時可視乎你係女家派定男家派而show封面係嫁定娶

我地2個一致裁定，暗紅底銀字呢款入圍

※※※※※※※※※※※※※※※※※※※※※※※※※※※※※※※※※※※※※※※※※※※※

跟住就係今次黎婚展最大目標，誓要KO對戒

呢個item令我地花費左最多時間，來來回回輾轉反側，幸好到最後都有收獲

東屬意一間local公司"Yes I do"，佢地唔係大brand，自設工場，所以價廉物美

一去到我地好明確講出屬意款式，婚展期間照價錢牌再有6折

另外因為東幫襯過，所以老闆都好樂意再減價比我地

呢2對係最後2強，因為波浪型同交叉型設計好適合我呢D手指又細又短既人

戴上手真係好靚，顯得好修長，可能因為我對交叉款情有獨鍾，所以鍾情於左邊果對

價錢方面右邊果對只係6K，如果揀帕金要萬幾蚊喇

左邊果對因為我地來來回回左幾次，所以由本來9K減到8K一對

男果隻得1粒石在圈內，女果隻有24粒鑽石, 15份, G color, VS, 18K