13 - 14 May 2017 - Sat & Sun -
恢復自由後的第一個weekend，咁啱又係14號，我地去左Eaton住1晚
多謝公司Spring dinner既禮物，我未試過住香港既酒店架，有1晚高床軟枕都唔錯呀
東好細心咁叫我坐下先，等佢搞check-in既野.........原來一早已有埋伏
睇Eaton既外觀唔太討好，以為裏面都殘殘舊舊，但原來都幾企理舒服架
wow....間房都幾大呀
擺低D袋就拿拿臨換衫去游水先
一上到去望到個池，眼都凸埋....咁短既.....有冇20米呀?
好彩無人，任我地鴛鴦戲水1個鐘
游完水再去嘆返個tea.....仲以為有tea送咁正....特登下晝無食野留肚食呢餐
點知只係得1款cake同埋3款餅任食....都啱既....話明tea咯...係我地諗得太多姐
之後我地去左東大街既金東大食母親節飯
最開心係影全家幅既時候齊晒人
間野食物質素都OK，不過D餸都幾咸，連我咁重口味既人都覺咸
唔知係本身都咁重手，定母親節期間興奮得滯
返到酒店有人叫我開門.......我都覺得奇怪架喇
平時返酒店都係佢負責開門....我負責大搖大擺入去架嘛
一開門就見到一地都係花瓣......原來有人再接再厲....果然係永不放棄同學會成員
呢條橋雖然無新意.......但勝在我鍾意
沿住花瓣路入去見到Beauty & The Breast 既玫瑰花呀
我超超超鍾意....所有注意力集中晒果樽玫瑰....完全無理過紥花
今次真係好有心思....比起上次差好遠....我完全無諗過你有咁既安排
連張床都鋪埋心形玫瑰花
有人會覺得決定結婚前應該要求左婚先....如果唔係就乜都唔好搞住
但我真係唔重視求婚.....我覺得2個人決定結婚不在於你有冇求婚....有冇戒指....有冇花
反正都諗清楚想一齊生活落去...彼此相愛對方一生就已足夠
希望您可以承諾自己對我講既說話
💕下半生 准我留住您 一直相愛💕
酒店仲有早餐buffet送，好多款，好好食，好彩無放棄個早餐姐
呢個weekend好難忘...好relax呀
留言
張貼留言