18 Jun 2017 - Sun -
結婚一生人一次，能夠有班好姐妹陪住出嫁係一件好幸福既事
特別係一班識左超過10年以上既姐妹，我非常珍惜呢份友誼
今日雖然係我結婚，但我當佢地全部都係我big day既女主角
姐妹們話佢地著咩唔緊要，最緊要新娘靚就得
但我唔係咁睇.....我要靚....但我都要我D姐妹靚
在選裙方面我揀左rainbow colour，目的係希望各人都著到自己鍾意既顏色
裙既款式亦任佢地揀，只要佢地認為舒服同靚就得
與其你規範佢地著D你認為靚既服裝，倒不如任佢地選擇最適合自己既裙
好慶幸6位姐妹都有自己心儀既顏色，彩虹仙子就係咁形成
另外，一直都想為姐妹們製作特別既手花，大路既手花只會戴1次，1晚之後都係掉就好浪費
我希望結婚當日用之餘平時又可以當首飾戴，但一直都無頭緒
趁今日有時間出深水埗走轉，咁就比我諗到整呢樣禮物比佢地
我係家政白痴，所有手工野都唔識做
只能夠簡簡單單穿條手鏈比姐妹們，希望佢地收到呢份禮物都感受到我既用心
§
§
§
材料好簡單
只有仿珍珠、字母、圈圈、魚絲線
6條手鏈都搞左我幾個鐘
確保唔好做做下野斷線，買個保險，穿雙線最穩陣
我盡左力喇
希望姐妹們收到會鍾意啦
留言
張貼留言