京阪奈練仙之旅 - Day 4/5

4 Jul 2017 - Tue -

Day 4 - 金閣寺 → 伏見稻荷大社 → 錦市場 → 花見小路

今日出發去京都，呢個trip終於齊人一齊去玩

因為由難波搭JR去京都要1個鐘車程，由京都去金閣寺要40 mins車程

所以我地要晨咁早6點幾起身，我又係咬個飯糰做早餐

大概10點幾就到達第一個景點金閣寺

入場費¥400，門票係一張開運招福御守符

個颱風已著陸九州，所以影響到大板既天氣，即將有狂風暴雨

天氣不似預期，沒有光燦燦金碧輝煌果種景觀，但一樣令人舒適

我一身打扮實在太適合做呢個舉動

京都好大，有好多地方都值得去

如果再去大阪，我會揀紅葉或櫻花季節去一次京都既嵐山，上網search d圖實在太靚

今次為左團友們，我揀左伏見稻荷呢個景點，大家都未去過

賣相吸引既大福餅，團友買左個嚟食，慶幸我無興趣食呢D

原來士多啤梨個心係爛架，好彩團友無食到，返民宿切開嚟睇先知爛

拍藝妓回憶錄就係裏面既千鳥居取景

狐狸係稻荷神社既使者，所以會見到每隻狐狸咬住既物品都唔同

呢到就係進入千鳥居既著名景點喇

呢到就係小千代奔跑既經典場景

好想扮小千代，但太多人奔跑唔到

睇返呢張相，我既膊頭現晒銷骨，好似無食幾日野瘦晒咁

估唔到前幾日咁好天，今日天氣好反常，行完2個景點後就落大雨喇

因為買左巴士券，本來想慳錢搭巴士去錦市場，落雨就惟有改搭京板本線

好彩做晒research點搭車姐

錦市場就好似黑門市場咁，好多野食買，漬物特別多

團友們對每一間店舖都好有興趣，逐間入去睇

我已經不停向後回望好多次，佢地總係落後幾個舖位

咁樣行法，3個鐘都行唔完呢條街

我尋晚只食左半個大阪燒，今朝只得1個飯糰落肚，肚餓到頂唔順

連平時唔食既漬物都不停試食，實在太肚餓，每樣都覺得好好味

見到眼前有間一串串八爪魚成¥300/串 ($21)咁貴都照買嚟食.......但咩事要咁貴呢??

原來八爪魚頭入面有粒鵪鶉蛋架，係咪magic嚟架??

全靠粒蛋填補下個胃仔

好彩錦市場係一個有蓋既市場，成條路都唔洗擔遮

眼見太大雨都無可能行到去祇園花見小路，我亦都極之肚餓

見到有間食肆都唔理咁多衝入去食喇

食飽飽充滿力量就可以繼續行街喇

團友好好眼，記得呢間杜如風介紹過蒟蒻洗臉皂

仲可以每隻味都試下洗手，有得洗手又有得玩，正

原來店內有個香港人職員架，同聲同氣果然好D，可以問佢有咩功效

順便可以問埋個颱風會唔會打過嚟大阪，好驚聽日返唔到HK

之後見D雨細左，團友要求繼續原定行程，往祇園花見小路出發

途中經過disney store，有齊盧米亞，葛華士，茶煲太太同茶杯仔呀

睇左..摸左..影左相..當買左

冒住風雨終於嚟到花見小路

太大雨都無野行，又影唔到相，我地決定早早折返難波

咁早返到去做乜?? 咪就係比時間大家最後衝刺shopping囉

百貨公司/ Tokyo Hands / 藥妝再掃貨....我攰到直情挺唔直條腰

途經出名的龍蝦包，2位團友食過都激讚個包好鬆軟

終於等到佢地買完野可以求其入1間居酒屋放飯喇

每餐飯都要啤啤佢放肆下

呢間居酒屋勁抵，串燒好平，每條大概$7-8，平過HK好多

呢餐只係食左¥2805，大概每人都只係食左 $70，抵呀