14 Jul 2017 - Fri -
就算呢排忙到人都顛，但14日都唔可以唔食飯，呢份係我地對對方既承諾
不論平貴....就算去熟食市場食湯飯...街邊車仔麵...甚至掃街都好
我地見面時都要講句 "14號快樂"，呢句唔係單指14號先要快樂
而係由大家決定開始呢段關係時就代表與對方許下愛的承諾
咁啱今日係星期五，去遠少少既地方食都唔怕
山長水遠嚟到錦田呢間金壘餐廳就係貪佢夠情調...個feel好啱偷情
食物都OK啦....價錢貴少少
但勝在地方大...枱又夠大..好啱傾計
當然我地唔會浪費任何時間....食野前後都可以鋪到一枱都係紙傾結婚野啦
咩事碟Ceasar salad咁少呢??? 我地晚餐食少D姐...都唔洗少成咁呀
蒜蓉包焗得好脆好香口....好味
Carbonara味道出色，唔會好漿口，cheese濃度啱啱好 (我唔喜歡太重口味)
~14號快樂呀~
仲有2個幾月我地就要展開人生另一階段，希望我倆都可以維持呢份愛，不忘初心
互相學習...彼此包容尊重...不離不棄
最重要一點係....希望你智慧再高D...記性再好D...轉數再快D...咁我就唔洗咁辛苦啦
留言
張貼留言