做個姐妹既人都知道陪嫁當日有個合適既手袋好重要
當日打扮到咁靚，無理由要孭住咁大個手袋架嘛
但因為條裙無袋，無得袋野好唔方便
最好有個細細地可以斜孭又襯到條裙既lace手袋
市面上好難買到我心儀既款式，就算有合適都要成幾佰蚊1個，買6個都幾貴
又要慳錢但又想姐妹有個靚袋用，最好既方法就係自己整
以我既資質當然零可能自己買布再剪裁啦....我只能夠喺淘寶買材料包跟住D step做
1包有齊晒布, 配件, 針線
跟住佢既教學，一針一線咁縫
但原來做落都幾難....始終我資質有限....讀書時家政科都係勉強交功課
但為左親手製作禮物比姐妹們....縫到手痛都要頂住
初初固定好位置後對摺再縫埋
然後開始摺角埋口
因為有棉布裡布同紗布加埋...對摺後都幾厚...入針時都要相當用力
2邊摺角縫好後大概既雛型已出
然後裡布再重覆好似以上咁做多次
將縫好的裡布放入個袋，再用大頭針固定位置後縫實，但要留返一邊唔好縫
漏空果邊既作用係將成個袋反出嚟
然後將邊邊收好再縫實
剩係由step 1做到呢part都搞左我2個鐘...不停咁縫縫縫...手指好痛
最難就係上鋼邊呢part，成個袋既命脈就係睇呢part做得好唔好
縫得唔夠實就會成個袋脫離個鋼邊
每次要逐小攝塊布入鋼邊逐針縫，只係呢part都整左我個幾鐘
幾個鐘既博鬥後終於完成第1個
出嚟既製成品好靚呀....我自己都好鍾意
好彩多得有個家政一流既媽媽，佢見我縫得咁耐都頂我唔順
索性用衣車取代針線果part，當然效果係又快又穩陣啦
如果唔係我真係趕唔切喺開姐妹會議前送到手袋比佢地
其實整之前我都驚姐妹們會唔鍾意呢個手袋，我覺得靚姐，但唔代表人地都係咁諗
呢D始終係個人喜好既野
雖然我整得好辛苦，但若然佢地唔鍾意我都會接受，唔會要求佢地用
結果佢地收到時好意外好開心
有D姐妹話做咁多次姐妹都要自己準備手袋，今次係第1次新娘會自製手袋比姐妹
佢地亦無諗過可以整1個手袋出嚟
有個姐妹因為第1次做姐妹，仲諗緊應該要買咩類型既手袋，佢話而家我送埋比佢實在太好
其實見到你地收到個袋咁開心我就開心喇....製作過程幾辛苦都無所謂
都係果句啦....我好希望你地當日開開心心咁陪住我出嫁
所以衣著及鞋方面都無規限，只要著到自己喜歡既顏色及款式就得
而家再配埋合襯既手袋，係咪錦上添花呢?
留言
張貼留言