8 Oct 2017 - Sun -
Day 2 - 佛光山本栖寺 → 池袋燒肉晚餐
今日只有1個行程，就係去佛光山位於東京本栖湖既本栖寺
由於本栖寺位於郊區，車程要3個鐘，來回要6個鐘，所以都唔會再有其他景點可安排
不過本栖寺位於本栖湖，係富士5湖之一，附近景色極度靚，所以呢日大家都不停影相
去本栖寺方法: 搭乘JR山手線去【新宿站】→ 轉中央線特急至【大月站】(2 hrs) →
轉富士急電鐵到【河口湖站】 (45-55 mins) → 再等師父私家車接載至本栖寺
我地誤打誤撞去到新宿站既中央線時見到有架車寫住去河口湖，有理無理即刻衝上車
查票員上到嚟查飛知道我地無飛，然後就拎部機比我地嘟Suica
再細問之下先知道呢架車直去河口湖站，係假日先有
真係好彩 ✌ 唔洗帶住2老走嚟走去大月站又買飛又轉車
§
§
§
酒店包埋早餐，幫我地慳返唔少，啱晒細食既我，亦啱晒媽咪一起身就要食既原則
仲要呢間餐廳係Italian Tomato...質素唔錯呀
有幾款選擇...每個餐都配碗洋蔥湯...咖啡茶果汁任飲
自由行好處就係無時間所限，鍾意影幾耐相都得
好彩有大哥隨團我地先有靚相
一上車大家都係咁瞓💤.....醒幾次都仲未到....真係好鬼遠呢
無花無假...真係3個鐘車程
日本D車真係準時，預算到達時間11:00就真係11:00
一落車就比我地見到咁colourful既Thomas
嚟到郊區天氣勁好....好彩好猛太陽...如果唔係都幾凍
師父由河口湖站車我地去本栖寺都要半個鐘
就算坐幾耐車都熄滅唔到我要去本栖寺團火🔥
終於嚟到見識到....真係好靚....沿途仲睇到好多紅葉...簡直係bonus呀
本來呢個地方係一間訓練機構，有本殿、 教室、 會議室幾十間，寢室可住3xx人
師父上人保留所有原有既建築及房間，不花費不浪費
有時以前既運動員重遊舊地都會不斷讚嘆保存功夫做得好好，佢地亦可懷緬以前訓練既日子
預先已同師父說明我地會午齋，但估唔到係食自助餐，仲有咁多餸，好感動呀😇
大家都餓左好耐...除左我...個個都裝好大碗飯餸 😂
呢幢好似武林大會格鬪場 (←東形容的, 睇得龍珠多) 既建築物就係大雄寶殿喇
入到去簡直嘆為觀止
日本既大殿完全係日本style，第一次見識大殿用上塔形設計，四面都是佛
連天花頂都一絲不苟畫上諸天神相
另一開心之處係可以同大哥嚟到佛光山，仲可以叫佢跪拜添
參訪完本栖寺，我地就過對面既本栖湖玩下
呢到大到我要用全景mode先影到
非常極之靚既美景
雖然呢張相係執過，但現場睇都真係藍天白雲架
仲有好多芒草....唔洗咁辛苦上大東山
本栖湖其中一個景點係吸引到好多人拎晒長鏡嚟影
我身後果個就係富士山喇....由於全球暖化關係....呢段時間既富士山頂不再積雪了
要等到日本好凍既時候佢先積到雪
所以要警醒大家真係要注重環保...減少浪費了
同埋呢到既特色係影1000 & 5000 yen紙幣上既景
原來好多時候富士山都比雲層遮蔽.....師父話我地見到都算幸運呀
同埋呢2日都落雨....但今日就好好天 ☀ 太陽伯伯知道我好喜歡佢呢
夜晚大哥帶我地去左池袋食燒肉
呢到食燒肉既價錢大概$2xx任食任飲....好抵呢
仲有好多款野食嗌
留言
張貼留言