11 Nov 2017 - Sat -
好野!! 今年東既生日係Sat, 唔洗請假去玩
最能夠消遺成日而又不太花費就當然去海洋公園啦
而家我乜鬼野都喺Klook買, 格晒價, 最平係佢喇, $368仲平過工聯會
朝早瞓到自然醒就落樓下嘆埋早餐先去搭車, 仲第一次搭地鐵去海洋公園添
天文台講左今個weekend會落雨, 我地預左Hea遊, 就算落雨都唔會掃慶呀
不過好彩全日都無雨落
每次我地都會去睇海洋奇觀先
但今日係星期6超多人排隊, 我地改去睇其他先, 落山先再嚟過
好喜歡去呢個澳洲館探熊貓同袋鼠, 因為一入到嚟就聞到令人好relax既尤加利葉味
每分每秒都活在甜蜜當中
好多卡樂B呀....呢到賣唔算貴呀...$1x/包同出面差唔多價
第1次入嚟睇雪狐....原來每次去北極館都錯過左呢個館
臨走前東要挑戰玩翻天覆地, 我見到都想暈
我地大概5點就要趕住走, 要搭好耐好耐車入黃金海岸食buffet, 瞓醒幾次都未到😪
生日果個免費, 我比$6xx就可以2個人食buffet, 抵呀
食物種類好多, 不過質素麻麻地, 反而我地最欣賞係燒雞翼同埋魚肚煲
我仲叫人現場唱生日歌比你聽, 開唔開心呀?
我同妻子講: 我今年無準備生日禮物比你呀, 因為無時間, 你會唔會唔開心呀?
妻子: 唔....好呀! 會有架, 我知會有架!
我: 今年真係無呀, 我真係無買
妻子: 你陣間就會攞出嚟架喇
我: 😒 心諗 (我本來真係無打算送禮物架)
今時今日整手作仔禮物一D都唔容易, 以前就可以明正言順喺屋企做姐
而家一齊住就要等待時機秘密地進行
今年既手作係皮製鎖匙包, 知你一定啱用, 唔洗再用文具拉鏈袋裝鎖匙喇
係縫得樣衰左D, 手指好痛架, 體諒下
留言
張貼留言