10 Oct 2017 - Tue -
Day 4 - 箱根 → 上野/池袋閒逛
係咪間間箱根既酒店check out時間都咁早既呢?? 10:00 就要退房?? 咁即係逼人早起身姐
酒店提供buffet breakfast, 啱晒阿媽呢D一起身就要食野既人
最緊要係實有一款啱食
我地食完早餐就搭浪漫列車返新宿喇
其實箱根仲有其他野玩, 不過樣樣都唔啱2老睇, 所以都係出返市區shopping
難得阿媽話好想行下街
為左去箱根時唔洗拎行李....所以我地住返第一間酒店
上野消費平D...可以喺到食埋lunch先去其他地方
我同東好想食魚生飯...但阿爸好想食拉麵...2者不能並存
有阿哥同行真好...我地可以分道揚鑣
估佢唔到...阿媽竟然跟我地去食魚生飯 😐
佢實在太唔鍾意食麵啦😆, 就算唔食生野都要跟住我地, 不過佢可以食鰻魚飯
最鍾意掃街既阿媽又周街買野食喇
行過見到章魚燒又買嚟食
鏡頭一轉已經去到晚餐
因為中途我地行完上野就分開玩, 我同東就去拍拖, 留返2老比阿哥
阿哥喺呢個trip真係發揮左好大作用😂
多年前食既無敵家一試難忘....雖然好多人都話已經唔好食..但我依然好想再試
我地特登提早4點幾去食, 但都仲係有人排隊
排隊期間見到有相撲手路過, 我第一次見真人版, 真係好肥好高大
到我地喇....好期待
排隊期間已落order, 一入去無幾耐就食得
2009年時一粒中文都無....今日已做到咁國際化...即係證明無敵家專做遊客生意
超濃膠質既豬骨湯底....頭幾啖好味....再飲多幾啖已覺油膩
食飽飽就去GU行下....本來都無打算買野...但見到D衫勁平真係忍唔住
諗住落去比錢時見到有自助cashier, 一時貪得意就試下啦
將成籃衫放入開門既位置
好快佢已掃到你買左幾多件item同埋幾錢....真係啱晒架
然後直接入錢就得...有得找贖
跟住你就可以攞返D衫喇
試完咁新奇既野興奮過後先發覺.....頂.......咁咪無得退稅囉
2個白痴😒
原來我地喺池袋GU shopping時佢地3個都係上野既GU買野, 買得仲瘋狂過我地
之後我地去Sunshine City 同埋Tokyo Hands行街
東京間Tokyo Hands相比起大阪果間真係勁多野行...我地逐層行到人地差唔多收工咁滯
我地經2哥推介去左呢到玩...東即刻無比興奮 😒
我真係理解唔到呢D係咩嚟....右圖粒波原來係太空船
仲要指定叫我影佢由太空船出嚟果下 😐
呢D叫夫唱婦隨.....見佢玩得咁開心我又扮下啦
我扮太空船出嚟好型咁企定定...佢又跟住我擺😒
滴汗中.......
玩到人地收工...我地就去返上野磯丸水產會合佢地
返房時見到有封信攝喺門拿
原來係送比我地既honeymoon gift.....有5張食事券...可以落樓下間Italian Tomato免費食餐lunch
估唔到酒店細細都幾有心喎 😍
今日特登喺新宿買左個蛋糕補祝我&爸既生日
留言
張貼留言