3 Dec 2017 - Sun -
今日擔當保母角色去照顧希時
發達喇, 比我同希時有獨處時間
先等佢放學返嚟教佢整啫喱糖, 平時佢唔可以企喺爐前面今日終於可以試下啦
拿拿臨整好啫喱糖就放入雪櫃, 之後就去食元氣
希時好乖無食生野, 佢好熟手咁揀晒自己食得既野就落order
平時佢媽唔比佢食既青瓜卷今日都食到, 真係食得好滋味
佢話呢個係食飽既樣
有姑姐喺到又點會只留喺屋企咁悶丫, 食飽飽返到屋企處理好啫喱糖後就落街玩喇
今次我帶埋羽毛球拍嚟一齊玩, 我都唔識架, 大家一齊亂打
佢一攞起塊拍就扮彈結他 😂
表情及動作寧舍多, 多到我覺得有D煩, 叫佢打波佢就不停擺pose
夜晚我就出返去太子同紫昕慶祝生日, 好可惜希時無得出嚟, 如果唔係佢今日一定好開心
門面相當吸引
完全係影相打卡位
Kobe仔一嚟到就扮大蕃薯😁 真係好似呀...佢仲好開心咁話自己同大蕃薯好似
其實似佢唔值得開心架喎...好傻豬呀
老夫子真係咩年代既人都啱睇...而家紫昕都有睇老夫子既書...所以佢爸特登揀呢到食
佢既餐牌都係寫晒D 4字成語....不過D名同食物係無關連架
Kobe扮緊佢個樣
食物質素都唔錯架, 特別係我個豬扒, 估唔到咁冧
反而我哥嗌的牛就好失望
加$18就有特式飲品....我地嗌既熱情果水果茶係用尿壼裝架
呢2杯叫秦先生....一拎到上枱大家都起哄
緊係啦....成大個棉花糖喎....2個細路同我係最開心
紫昕呢期鍾意蛋黃哥, 所以特登揀左呢個蛋糕比佢
當然姑姐緊貼佢喜好既進度...都係買左蛋黃哥既生日禮物比佢啦
每年2哥2嫂都會為對仔女搞生日party, 邀請好多朋友出席, 當然花費唔少啦
但上次2哥同我地去完海洋公園玩後就提議紫昕今年唔好搞party, 同屋企人出去玩1日+食餐飯
所以我話今年係紫昕過的簡單生日, 簡單就是快樂
臨走前細路仲要扮多次😂 今次加埋張餐紙增加相似度
仲不停喺門口講歡迎光臨...真係好打耳既姐
留言
張貼留言