呢刻夾到顛.旅行後未反臉之4個窮L去旅行 (Day 2/8)

31 Dec 2017 - Sun -

Day 2 - 旗津 → 佛光山

今日既景點只得旗津, 但足以比我地玩左大半日, 同埋笑足1日

我地住三多商圈, 所以都揀返附近餐廳食早餐

上網search過呢間覺味廚房都幾好評, 一於去試下








呢到既主廚漢堡排有豬及牛揀, 啱晒唔同人既選擇

仲可以揀咩包, 配套餐仲有飲品及湯都只係NT160 ($44)






味道真係唔錯架!! 我地好悠閒咁嘆完個早餐就出發喇!!






因為我地今晚上佛光山住1晚, 再加上帶埋套禮服, 背囊已經好重+逼爆

去到西子灣站發現有locker當堂心心眼, 喺高雄呢幾日我地好多次運用上locker呢~






喺西子灣站1號出口就會見到好多人撩你租單車

4位團友入面有3個唔識踩😆我地就問下有冇4人車啦

同埋重點係4人車可唔可以喺旗津內既景點踩...結果我地租到架4人電車






呢到就係鼓山輪渡站....就係呢到搭船去旗津

呢D船容許單車&電單車上船, 所以好多當地人都會自行楂車去








Yeah~~ 又1日sunshine day






都唔知有冇10 mins既船程就已經到旗津喇






一落船影左合照先

每次要調較團友角度時天空哥都採取手動方式😆 直接擺動單既人頭...真係笑到肚痛






由於今日係星期日人多關係, 單車唔可以駛入條食街

所以我地選擇行完條美食街, 買定糧餉先去租車, 咁就慳返1個鐘租車費








我地攞埋車就向燈塔方向出發喇






只有好天先望到咁靚既風景










因為趕時間, 每個景點都不宜欠留, 影晒相就出發去下個景點

今次輪到Sky做柴可夫, 車我地去玩喇

但Sky第1次楂車有D緊張, 落斜要推住架車落😆 真係好搞笑






聰明既Sky已好快上手, 話咁快就嚟到星空隧道喇








穿過隧道就見到一望無際既大海, 此情此景就梗係要擺返個側頭pose啦, 大會指定動作嚟架嘛

睇下呢4位團友, 貎合神離到丫






影返大會合照時Sky又採用手動調整mode😆






我地又向另一景點出發喇, 原來坐喺後面睇佢2個楂車係10級好笑

單喺今日2017最後1日已成為主角, 不同既人和事都針對住佢 😆

到單楂車時我地就不停聽到Sky講錶錶錶....停....停呀...😂






呢到就係彩虹教堂喇!! 因為係地標, 所以好多人專程排隊影相

我地純粹喺側邊攞角度遮左D人群影相算....所以張相充分顯示出角度的重要性







再繼續向前行就係貝殼博物館喇!!! 

真係好彩租左車, 如果以行路方式真係唔夠時間行晒成個旗津, 就算夠時間都會行到好攰







旗津最後1個景點 - 風車公園

有2個路人甲不停亂入, 想好好地影張相都唔得既😒






當我地影完呢張相後有位團友即刻充滿力量, 佢要喺佢女朋友面前展示實力💖





結果個女朋友鬼殺咁嘈 😂 一路影一咯嗌救命






男既有型 女既嗌到劏豬咁, 而我呢位觀眾笑到臉都攰埋

影呢幾張相真係辛苦左大家 😂 但其實我覺得呢張相好有愛呀💕






旗津之旅喺瘋狂既笑聲中完成 






我地預算19:00前上到佛光山, 但班車誤點, 等左好耐先有車, 結果上到山已過19:00






好感因有師父喺佛館接我地過佛光山, 仲準備埋飯盒, 蛋糕, 麵豉湯同花茶比我地飲

呢個時候又凍又餓...呢盒薑炒飯可以話係全宇宙最好食既飯盒...而確實真係超好食







報到後我地就去雲居樓掛單, 好驚Sky & 單會唔慣呢








安頓好就夜遊佛光山一圈







今年除夕好特別, 特別在喺山上過

同埋2位團友唔介意同我地一齊喺宗教味濃既地方過

2017確實係大豐收既1年