1 Jan 2018 - Mon -
Day 3 - 佛光山 → 佛陀紀念館 → 六合夜市
今朝5點幾就起身, 仲要較左鬧鐘都唔知醒, 只怪雲居樓既房實在太好瞓
比原定時間遲左半個鐘起身, 唯有9秒9極速梳洗set 頭
好彩之前去意大利影PW時訓練有素, 再加上喺出發前幾日在家苦練
老公幫我夾頭髮已經好熟手, 仲夾得靚過我添
但唔知關唔關電壓事, Amika無平時咁熱, 夾極都唔鬈
無計喇, 時間緊逼, 唯有紥埋算數
比原定時間遲左半個鐘起身, 唯有9秒9極速梳洗set 頭
好彩之前去意大利影PW時訓練有素, 再加上喺出發前幾日在家苦練
老公幫我夾頭髮已經好熟手, 仲夾得靚過我添
但唔知關唔關電壓事, Amika無平時咁熱, 夾極都唔鬈
無計喇, 時間緊逼, 唯有紥埋算數
我地可以喺極短時間內換衫化妝set頭食早餐再趕得切搭接駁車去佛館, 雖然個頭&妝有D求其
呢次旅程真係要超級多謝單 & Sky, 佢地自己已經要孭個好重既背囊, 而家仲要幫我地孭埋
咁抵得諗既朋友去邊到搵呀😚
典禮喺大覺堂舉行, 坐定定有舒適既冷氣
前排位置係佛法婚禮既新人, 我地菩提眷屬坐觀眾席
大會仲送左好精美既月光寶盒比我地, 入面有包米, 醬油, 2條珠鏈 & 佛光祈願文
佛光山住持心保和尚進場喇
每對新人出場都有對好得意既小朋友帶領
頂鳳冠瑕珮好靚呀, 我自己結婚時都好想戴呢款架, 不過媽唔比啦 😒
典禮大概2個鐘就完結, 根住就可以周圍影相架喇
其實菩提眷屬唔一定要著禮服, 但今次係我地新婚後第一次喺佛光山參加既典禮
所以都會想著住禮服喺接引大佛底下影相留念既, 一生人一次嘛
我覺得喇....香港既佛化婚禮同佛光山既菩提眷屬同樣重要
參加呢個儀式既意義不只在於開心, 而係雙方都願意在佛陀座下許下與對方結為夫妻既承諾
並願意攜手同行佛道, 不離不棄, 我地因為有戒, 所以會規範自己, 唔會做出傷害對方之事
我地一定會互相扶持到老, 彼此尊重包容, 一直恩愛下去
難得著成咁喺佛館影相, 仲唔發花顛呀 😆
10萬個感恩有單呢位朋友, 我地有唔同既宗教, 但佢完全唔介意去佛教既地方
正如我都唔介意去教堂觀禮一樣, 大家可以做到對宗教既彼此尊重, 呢點唔係人人做到
所以最後我同東都有向呢2位朋友問訊答謝, 佢地當堂呆左 😂
大會有提供預購便當, 大家咁早起身搞到而家已經好肚餓
Sky仲提左幾次搵個地方食便當先, 咁即係證明佢真係餓底
換返便服後我地就參觀佛光山同佛陀紀念館喇
其實呢2個地方都係高雄著名既景點, 亦有好多旅行團會安排嚟呢到參觀
喺大悲殿行返出嚟見到有2隻松鼠, 咁就吸引左我地既目光
睇下2個HeHe睇到幾入神, 單即時變左路人甲, 被冷落了
佛光山有好多滴水坊, 我地去左雲居樓附近果間醫肚
只要係素就咩都好食, 呢到連部隊鍋都有
食飽飽就去佛陀紀念館參觀
右邊呢2條友想點......😒
我地喺條成佛大道都可以玩左好耐, 跳都跳左廿幾次
有好多次都係我累街坊😡 明明聽住單數123架啦, 點解我硬係跳快左呢?
夜晚我地去六合夜市開餐先返旅館, 途中經過美麗島就當然要影低呢個地標啦
好地地影張相, Sky又好似強搶民女咁
其實我地喺到影左好多單嗌晒救命既相 😂
我地覺得六合比起瑞豐好好多, 起碼有空間比我地慢慢行睇下野
今日係十五, 我同東要食素, 但喺夜市食素無難度, 一樣可以搵到啱食既野, 各取所需
燒鮑菇, 素魯肉飯, 素羊肉湯...炸菇味道一樣咁出色
呢檔果汁真係要激讚, 佢介紹既牛油果汁非常好飲, 從來無飲過呀
今晚我地都係住返同1間旅館, 但就安排左另1間房, 比起之前更大間呀
留言
張貼留言