2 Jan 2018 - Tue -
唔知點解今日既旅程喺時間上失晒預算, 2次最重要既車都趕唔到, 落錯車, 留左passport
我同單分別去咁多次自遊行都從來無試過咁失策
不過唔緊要, 大家都仲未反臉 😁
Day 4 - 田寮月世界泥岩地質公園 → 家樂福 → 台北饒河街夜市
我同單分別去咁多次自遊行都從來無試過咁失策
不過唔緊要, 大家都仲未反臉 😁
Day 4 - 田寮月世界泥岩地質公園 → 家樂福 → 台北饒河街夜市
因為今日既景點路途遙遠之餘仲要2個鐘先有班公車, 所以我地6點幾就要起身
仲有杯麵就啱喇, 唔洗花時間出去食早餐, 又唔洗孭住落台北
間房夠大真好, 可以一齊坐喺房嘆早餐
仲有杯麵就啱喇, 唔洗花時間出去食早餐, 又唔洗孭住落台北
間房夠大真好, 可以一齊坐喺房嘆早餐
我明明plan左喺南岡山站搭0900公車去月世界, 由三多商圈去南岡山要35 mins車程
一心諗住8:00出發都趕得切丫, 白痴既我計漏左由旅館check-out再行去搭捷運既時間
搞到果朝好緊張, 不停search有冇其他車去到, 我地決定試下去高雄車站落, 再轉客運
一出閘我地就極速鎖喼入locker, 但捷運既locker唔夠放咁多件, 所以我地再衝上高雄火車站搵
之前我地就狂跑去搵高雄客運8042個站
跑到咁索氣為咩丫?? 我地最後搭左的士😐
因為我問路時果位肥叔叔話搭客運好耐, 又遠, 不如搭的士好過啦, 原來佢係1個的士佬 😂
經講價後NT800 deal, 之後問返原來呢個價錢都係合理, 無比人劏
但花呢NT800搞到我地心驚驚, 我未試過搭程車要不停撩個司機講野
因為佢一停燈位就瞌眼瞓, 仲要扯鼻寒果隻, 勁驚呀大佬, 會唔會突然瞓著左架
好彩最後我地都趕得切原定時間到達
出發前我已在FB book左導賞, NT1000/3小時, 要認識呢個地方當然最好聽導遊講解啦
聽導遊講解先知點解會有呢個惡地既形成, 佢話專家預計1000年後呢遍惡地會因侵蝕而消失
多手既我要感受下D灰泥幾鬆軟
大會指定動作側頭pose會喺呢日擺得最多
今次真係跳得靚喇...仲出得街添
田寮月世界除左惡地多, 樓梯亦多, 呢條就係鼎鼎大名既天梯喇
大家行之前好神氣, 但睇完上面既景觀後我地係要沿路行返落嚟架 😂
後面pair團友勁阻定囉
行返幾百級樓梯落嚟, 又曬又熱, 頹到咁既衰樣證明大家都幾有演戲天份
見到呢條天梯又係想爆粗, 啱啱行完一條而家又嚟
呢條係去嫦娥奔月絲路, 成個月世界最出名既景點, 無理由唔去姐
相傳呢個地方係嫦娥落嚟凡間跳絲帶舞既地方
咁我地當然要跳返隻舞回應返呢個景點啦, 首先出場既有我地 😂
多謝各位
接住落嚟為我地表演既有最佳男女主角....睇得出佢地既動作好細膩
成個月世界參觀完畢
黑皮姐姐好好人, 佢為我地安排埋午餐, 呢到出名食土雞, 佢知道附近既餐廳會收得貴
所以幫我地問下呢檔有冇土雞同炒麵賣, 幫襯呢類檔口經濟又好食
我地order左炒麵同2份麻油土雞, 唔知係咪因為肚餓呢?? 我地覺得好好食呀
距離下班車仲有好多時間, 我地行返入公園影下相
成班白痴今次擺蹺頭髮pose, 首先出場既有女子組
跟住有好嘔心既HeHe組😆
再嚟既係情侶組.......真係無人有我地咁鬼無聊 😂
完全有型有格既最佳男女主角
喺高雄最後1個景點就係家樂福喇!! 呢個景點好有波折!!
先係落錯車, 搞到行好遠先搭到捷運, 所以嚟到獅甲都比原定時間再遲左
滿載而歸後我地跑到氣咳都趕唔到原定班高鐵....我地真係好搞笑呀
好彩高鐵錯過左班車只係失去左指定席, 只要你搭返下班車自由席就OK
但驚嚇既事原來仲未完....入閘前個票務員問我地攞passport
呢個時候單先記得頭先家樂福退稅時果個人無比返本passport佢😂
佢同Sky慘慘豬又要再去攞返...真係攰屎佢地!!! 我同東就留守喺左營站等候
反正無野做, 買個鐵路便當嘆下先
又好彩喺家樂福買左支大野, 1支大野價錢=細支裝, 明智既選擇, 我地可以隊晒成支野
大概個半至2個鐘車程就到台北喇
一到台北就去左新驛旅館check-in先, 然後就即去饒河街放飯
但好失望呀, 一向以好食見稱既饒河街夜市已不勝從前了, 好多檔都無左
今日高雄之旅就喺緊張及氣咳中完結, 難得大家仲笑得落
留言
張貼留言