3 Jan 2018 - Wed -
尋日既旅程可以話甩碌嚟形容, 而今日既旅程就係笑到失控
原來4個白痴走埋一切既旅程可以好笑成咁
Day 5 - 峰大咖啡早餐 → 烏來老街 → 雲仙樂園 → 山水妍溫泉會館
原來4個白痴走埋一切既旅程可以好笑成咁
Day 5 - 峰大咖啡早餐 → 烏來老街 → 雲仙樂園 → 山水妍溫泉會館
今朝我地又搬竇喇!! 由新驛搬去M Hotel, 同樣都係近台北車站, 所以行過去就得
呢間M Hotel真係極度推介, 鄰近台北車站, 行去西門町都只係10 mins路程
一入lobby已經好吸引, 好期待聽晚入住
點解唔係今晚呢? 因為我地今晚去烏來住溫泉酒店, M Hotel比我地早1日存放行李架
今日唔洗趕車可以hea下嘆早餐, 東對個行程唯一要求就係要食蜂大
咖啡控既人係咁架喇, 難得有個團友同佢一樣都係咖啡控, 臭味相投
峰大只有1款早餐, 只需order炒蛋/煎蛋, 隨餐附送指定紅茶/咖啡
有2位識嘆既團友要求另外加杯咖啡
今日我地出發去烏來, 由台北搭捷運去到新店站再轉巴士849
咁樣應該快過由台北搭巴士849去烏來, 但唔好處係新店上車唔會有位坐
去到烏來一落車最開心原來係Sky, 因為佢終於可以去"玩吊橋"喇
因為單畏高, 之前佢地嚟無得玩, 但今次同我地嚟, 佢可以玩番夠本
Well~~ 我都唔知點解佢會用"玩"嚟形容.....吊橋唔係"行"既咩?
同樣上吊橋, 1個就好似準備行刑樣, 另1個就充滿力量樣
老公影相好有水準呀😄....執相仲有水準呀
我地第一年拍拖去旅行都係台北....都有去烏來....都有上呢條吊橋
今日婚後既第一年都嚟到相同地方....變既只有對你既愛更加深更加厚
叫佢地舉起雙手擺出開心pose, Sky完全交到戲, 單就好似投降咁
我發覺我地都幾變態, 明知單驚, 我地仲不停喺條吊橋上面搖同跑 😂 完全無理佢感受
佢不停嗌救命都無人理佢....連Sky都玩埋一份 😂 好可憐
跟住我地就向烏來老街進發喇
呢到既山粉圓勁好飲, 每次嚟都唔止飲1杯
仲有必食既山豬肉串同埋溫泉蛋, 蛋黃係溏心架, 真係好好食
跟住我地搭烏來特色台車上山
在台車遇上痴男怨女
不過2個咀又嘟得幾cute cute喎 😂
單既忍笑點真係好低, 影多張已忍唔住笑
後面位團友又會亂入得啱啱好既?
烏來瀑布附近有呢檔山豬肉串, 燒得非常好食
亦好彩問一問檔主, 因為09年88水災, 原本我地打算搭的士入內洞原來已經封左維修
咁我地只好搭纜車上雲仙樂園, 單& Sky與內洞緣慳一面了
我地陣間就係搭呢架纜車上雲仙樂園, 單雖然驚, 但都會同我地一齊上, 好合作既團友呀
4個窿啱啱好
上到山頂空氣特別清新, 欣賞如此美景最好既就係隊串生豬肉
我地唔止去到邊食到邊, 仲要買定一大袋上山食, 荒死餓親咁 😁
影完呢張相叫大家唔望鏡頭影1張
Sky哥既分別竟然只係愕高頭....呢D算係咩pose
我地參觀雲仙樂園之前唔知88風災原來烏來受到嚴重影響, 整個雲仙樂園被泥水掩蓋了
我坐緊呢張櫈都被浸過, 水位高到得返櫈背, 唔怪得坐落去淋淋地
仲要Sky既重量坐落去添 😆 如果知道我諗我地唔會坐
無聊團友又發作, 淨係呢個泰雅族公仔都可以影1餐
唔知點解一埋去單就要求Sky做女, 但Sky又同個女族人幾襯喎
佢2個臉型完全好切合呢個公仔版, 佢地好啱做泰雅族
真係超無聊乜都影一餐, 連身後2隻狗1隻鹿都要扮
唔係單畏高我地都唔覺呢個trip咁多吊橋
原來當時風災都係蓋過晒條橋, 唔怪得瀑布無晒水啦
用盆栽砌成心形, 好sweet呀
但單個樣好唔配合Sky囉, 明明情深地錫佢隻手仔, 佢竟然乸埋口臉 😆
Sky又惡霸上身喇....完全無諗過我地喺側邊笑到肚痛既感受 😂
一場風災摧毀了原本好靚好有仙氣既雲仙樂園, 睇到D相先知道個嚴重性
難怪我地一路行都係D泥路同埋爛地啦, 而家政府已努力重建中, 希望佢地可盡快修復啦
落返烏來瀑布附近有間遊客中心, 我地連入面架佈景車都影1餐
但影完相後先見到有靈異事件......本來我地各自2 pair就咁影相唔覺有D咩事
但當我地坐後座時就覺得有D唔尋常
但影完相後先見到有靈異事件......本來我地各自2 pair就咁影相唔覺有D咩事
但當我地坐後座時就覺得有D唔尋常
我地睇相時發現有個靈體喺後面呀 😣
再zoom埋D見到老公個樣好搞笑呀, 佢好似左眼見到鬼咁 😂
呢張相我地笑左幾日
都係咁影就正常返
跟住我地都係搭返台車落山
我地落返烏來老街1間餐館放飯, 又好彩大家都諗住食埋先返旅館
我記錯左旅館有1泊2食, 但原來無呀
如果真係旨意旅館果餐就大鑊喇, 大家都無野食 😂
多謝老公頒呢個獎比我, 實至名歸
再行一陣買埋宵夜就返旅館喇
我地都唔知搞乜, 幾經艱辛先call到架車落嚟接送返旅館
今晚就喺房浸溫泉, 食埋個肥仔宵夜就瞓返個靚覺喇
留言
張貼留言