5 Jan 2018 - Fri -
原本我地plan今日去陽明山, 但今朝落好密雨就要轉plan B
我地又唔鍾意shopping, 室內景點無乜選擇, 咁啱尋日搭捷運時見到有Mummy展
所以我地都講好如果堅落雨就改去睇展覽
唉~~ 第1次去旅行落雨呢...不過都好好架喇...曬左6日...臨尾2日先落
Day 7 - 國立故宮博物館 (木乃伊展) → 關渡花海 → 小當街海鮮火鍋
我地又唔鍾意shopping, 室內景點無乜選擇, 咁啱尋日搭捷運時見到有Mummy展
所以我地都講好如果堅落雨就改去睇展覽
唉~~ 第1次去旅行落雨呢...不過都好好架喇...曬左6日...臨尾2日先落
Day 7 - 國立故宮博物館 (木乃伊展) → 關渡花海 → 小當街海鮮火鍋
M-Hotel包埋自助早餐, 所以話窮L會連早餐錢都慳返
今次呢間水準高過烏來果間好多倍, 飲品都好多款
去咁多次台北, 國立真係第一次嚟, 唔係今日落雨都無打算嚟
但明明食早餐時落雨架, 咩事出門口到而家都無雨落呢?? 咁早知博一博上陽明山啦
呢個展覽我勁有興趣, 之前香港展出無時間睇, 竟然走到嚟台灣睇 😆 仲要門票貴過香港好多
後面條友咩事 😒....想扮cute但智障左?
去睇Mummy就梗係擺返Mummy pose啦, 識唔識擺pose架你地 😒
影相果個就微笑show酒凹 😐 單同Sky就好似準備跳降傘咁
館內唔比影相, 唯有喺門口白痴一下啦
但單話香港展出時比影相架
門口見到孔先生既雕像, 有團友話一定要同佢合照
我地見D雨吽左咁耐仲未落出, 一於去左聽日既景點先
關渡花海係1個新景點, 唔同季節種唔同既花, 上網睇到一大遍花海勁靚
呢個月份嚟預左都無咩靚花, 旨在到此一遊
原來係太陽菊, 相信盛開都幾靚既
以下4幅圖請自行創作
有1日, 1男1女在太陽菊花海相遇, 大家一見鍾情
個女仔超爆開心, 即刻向神大聲講出心中既喜悅 "我遇到個又細心又體貼既Mr. Right喇"
當時個男仔有少少比佢嚇呆左
男仔即刻美男子上身: 「晴子小姐! 原來你咁愛我既! 你放心啦, 我深信妳會比幸福我架!」
自此佢地就過著幸福美滿既生活喇
~~ 多謝各位 ~~
呢到除左花, 仲有好多唔同既擺設比人影相, 如果就啱花海時間, 相信呢到影PW都唔錯呀
白痴既團友去到每個景點都搵到野嚟模仿影相, 我地連草人都唔放過
咦?? 單既姿勢幾優雅喎
見時間尚早, 我地去忠孝敦化果邊食碗粉圓
途中經過洪瑞珍....當然要買返件食啦
本來諗住去東區粉圓, 但無意中search到呢間216粉圓大王係老店, 咁就一於試下啦
粉圓煙韌有咬口, 唔知係咪天氣凍關係, 熱辣辣紅豆湯超好味呀
我地要去放飯既地方係永春站, 距離忠孝敦化只係幾個站, 見時間尚早就決定行過去
又好彩真係行過去先見到咁靚既裝飾
今晚去單推介既小當家打邊爐, 由於太新鮮關係 😔, 食咩餐都係由佢地選擇啦, 我無眼睇
多謝單& Sky請我地食呢餐呀, 痴線架, 呢餐咁貴無啦啦請我地食
真係好好食呀, 除左任飲, 雪糕都係任食, 仲有好多款口味
我地又到自由活動時間喇!! 頭先特登留肚..為既就係最後一晚喺西門町食謝謝魷魚焿
呢間又係我每次嚟必食, 雖然舖頭好舊, 但我覺得佢既魯肉飯同魷魚焿係最好食
當然我地都會最後衝刺檸檬屋啦
留言
張貼留言