呢刻夾到顛.旅行後未反臉之4個窮L去旅行 (Day 8/8)

6 Jan 2018 - Sat -

終於update到最後1日喇, 去咁多日旅行要付出既代價係寫足咁多日blog

不過我好enjoy寫blog, 可以一路寫低當時心情一路回味

寫blog仲係一個好好既ref, 有時我plan旅行都會睇返自己個blog架

之前yahoo blog既執笠令我所有回憶都無晒, 好希望呢個blog唔好再發生同類事件

等我將來老左都可以睇返後生時既心態, 同埋當年運用既潮語丫嘛


Day 8 -  袖珍博物館 → 西門町 → 香港

今日最後一日, 始終逃不過落雨既命運, 好彩要去既景點都去晒

今日就hea hea地去食個鴨肉扁先啦

雖然已經係M-Hotel食左早餐, 但依然都堅持嚟食證明有幾期待

單一到台北己經話想食講足4日, 如果再唔去唔知佢會唔會怨足8日

不過最期待果位團友不停屈人賣鴨, 我唔開名喇, 大家估係邊個啦

um...黑長頭髮既...黑色外套果個囉...我唔開名喇

人地明明大大隻字寫明土鵝專賣店, 都仲話D鴨幾好食 😂

我地4個人只嗌1/4隻 + 2碗米粉

呢到既米粉超好食, 湯底好濃郁!! 咦?? 我好似錯重點喎

之後就去Jordan鋪買野, Sky朝聖左幾日架喇, 今日最後1日可以買到佢既心頭好喇

咁當然唔係呢對鞋啦, 想下好喇





呢到display左咁多年出既air jordan, 唔識欣賞既我當然唔會知有幾值錢啦

全因為落雨先會嚟既袖珍博物館

右邊位團友想點呢?

原來都真係幾好睇, 有D作品會介紹下作者用左幾多年時間先完成, 同埋背後既意義

如果有時間真係可以留耐D, 慢慢欣賞下每個作品既用心

我睇咩睇到咁開心呢?

咪就係我間房囉 😆...呢個作品係婷婷的房間呀





之後我地再返西門町最後衝刺買手信, 同埋再食多次魷魚焿





無介紹錯架...真係好好食







今日真係好大雨, 前面2位團友好勁, 全程唔洗擔遮





錯有錯著, 原本諗住去搭國光客運返機場

但行錯路, 無意中去左搭機場快線既站, 反正我未搭過就試下啦, 價錢都差唔多, 保證唔塞車







2個男人臨上機都要隊罐沙士, 有冇鍾意成咁呀? 唔通沙士係男人的浪漫?





8日旅程完結喇!! 好順利, 好圓滿, 好感恩既一趟旅程

等埋你地2個完成大project後就計劃下一個目的地啦