1 Apr 2018 - Sun -
嚟緊既blog會見我不停loop同一句 "好靚呀", 因為嚟緊既地方真係好靚
靚到我地每次到景點都忍唔住嘩一聲, 睇相永遠唔及親眼見到咁靚
咁當然都係因為我地攝影技術屎姐😂
§
§
§
Day 3 - 佛羅倫斯 → 米高安哲奴廣場 → 比薩斜塔 (自費EUR 40)→ 威尼斯
跟團壞處係每日都要0630 morning call, 0700食早餐, 0740出車, 仲早過返工
全因為跑得晒所有景點, 加上車程耐, 再要配合歐洲司機既法例休息時間, 所以日日都早出晚歸
雖然早起, 但我地都唔會唔願起身, 果然去玩既心情同返工死蛇爛鱔爭好遠
全因為跑得晒所有景點, 加上車程耐, 再要配合歐洲司機既法例休息時間, 所以日日都早出晚歸
雖然早起, 但我地都唔會唔願起身, 果然去玩既心情同返工死蛇爛鱔爭好遠
每晚都要拎住支水返酒店, 驚死無水飲
我同東都係水怪, 呢個trip已經被逼飲極少水, 因為車程耐, 同埋歐洲有D洗手間要收錢
所以夜晚返酒店會喪飲水, 第2朝食完早餐一定要去埋洗手間先出發, 大媽mode開動
去佛羅倫斯途中經過油站停低比司機休息之餘仲要比團友去洗手間
歐洲D人高大係有原因架, 因為連薯片都咁大筒😁
歐洲D加油站設施好好, 大人可以買下野食, 小朋友有得玩
我地已經進入佛羅倫斯範圍喇
呢到就係米高安哲奴廣場, 可以睇晒成個佛羅倫斯全貎, 欣賞到文藝復興既藝術建築
俯瞰聖母之花大教堂, 聖十字架教堂及安奴河, 配埋好天氣真係靚絕呀
有個影相佬真好😁
聖十字架教堂可以遠遠都影到
廣場上有個大衛像, 象徵無畏無懼既精神
好地地一個藝術家既雕塑比我地糟塌
呢到就係今日午餐既地方
歐洲人唔興開冷氣, 佢地一般要到6月踏入夏天先開, 其實都好既, 環保D
但你都開下窗丫....一路食一路出汗 😓
2個港燦去到歐洲, 連門口張梳化都要影一餐
報團時已講明去比薩要自費....難得我都搭咁耐飛機嚟到啦....都唔會唔加錢既
比薩係位於佛羅倫斯旁既一個細小城市, 但因為有座失敗的建築而聞名於世
去到比薩, 我地仲需要搭呢種小火車入去睇七大奇觀之一「比薩斜塔」
城牆外有好多呢D攤檔賣紀念品
穿過圓拱門就可以見到舉世聞名既比薩斜塔喇, 我地所有人去到呢個位都嘩嘩聲
真係未入到去都已經覺得壯觀
見到喇..見到喇..真係好靚好靚好靚呀
呢到每個遊客都一定會擺個pose去頂住個塔
導遊話: 有次見有個鬼仔瞓喺草地遞高晒4隻手腳, 仲以為佢發羊吊, 原來係要影托住個塔
我地個導遊講野真係好搞笑架 😂
咁靚既建築物都忍唔住要喺佢面前錫錫留倩影 💖
當我地喪影一輪以為自己D pose好傻咩?? 未算
有人仲顛..........我戥佢爸爸慘😐......個頭比佢禁左好耐
呢座就係比薩大教堂....相當宏偉.....好有藝術氣息
而右邊圓拱型果幢就係洗禮堂
1個地方有齊教堂...塔...洗禮堂...可見當時既國王好富有
我: 老公唔好不停影相啦, 用眼睛去欣賞下人地既建築好過用鏡頭
(成日都叫我企呢到果到影好鬼煩)
佢答: 我鍾意影相, 我要繼續影
我: .........😒
又坐左唔知幾個鐘車去到威尼斯喇, 我地就係入住呢間酒店
晚晚搞到8點幾先食飯, 沖完涼都已經成11點, 日日都好充實😪
所以成肚脂肪返嚟係有原因架
留言
張貼留言