最近無論公私事都好忙, 成個5月都full晒, 無時間寫blog / 整理D相
去咁多日旅行係好爽, 但付出既代價係執返咁多日既相😵 呢D就係因果定律
而最近煩緊一單恐怖事情, 從呢件事令我覺得人既心真係好可怕
原來真係會有人為左金錢及仇恨可以做出D可怕事, 甚至生起了殺害之心
旁門左道既法門令佢背負上因果, 更為佢增添了孽障, 我只能誦經回向比佢, 希望佢能明心見性
但得著既係增加了我家人對佛法既了解, 甚至願意用至真至誠既心拜佛懺悔
往昔所作諸惡業 皆由無始貪嗔癡
從身語意之所生 一切我今皆懺悔
§
§
§
5 Apr 2018 - Thu -
Day 7 - 蒙柏納斯56層觀光廊 → Eiffel Tower (外觀) → 拿破崙墓 (外觀) → 自由活動
呢晚另外安排自費團友去麗都或紅磨坊夜總會見識, 費用要EUR 145!!
導遊話: 去呢個夜總會係睇人跳舞, 著D好靚既衫跳, 之後佢地要好快入去換衫再出嚟跳, 但因為太急換唔切衫出嚟, 所以我地都原諒佢啦, 咪繼續睇佢地跳舞囉
我地呢D咁唔大方既人當然原諒唔到佢地啦 😂 所以無參與呢個自費活動
今朝終於唔洗食硬包喇, Dijon呢間酒店早餐好豐富, 有牛角酥, 腸仔炒飯, 火腿, 芝士, 雞蛋
我地仲攞左幾盒蜜糖沖水飲, 滋潤一下, 我就嚟乾到變木乃伊 😣
今朝又見到雨後彩虹, 聽朋友話呢幾日巴黎天氣都好差, 日日落雨, 希望我地去到時無落就好
我地仲攞左幾盒蜜糖沖水飲, 滋潤一下, 我就嚟乾到變木乃伊 😣
今朝又見到雨後彩虹, 聽朋友話呢幾日巴黎天氣都好差, 日日落雨, 希望我地去到時無落就好
去到中途加油站休息時見到運禾旱草車, 唔知咩事佢咁鍾意, 要求同禾旱草合照 😐
仲要擺出D咁既pose........男人的浪漫.....真係難以理解
去到巴黎第1個景點當然係放飯先啦, 食左咁多日西餐, 終於可以食中菜喇
水準方面嘛......可以維持生命就好
終於去到Paris喇, 一直好期待既地方
我地喺蒙柏納斯56層高既地方欣賞整個巴黎美景, 雖然多雲D, 但總好過落雨呀 😃
喺呢到可以見到遠遠既艾菲爾鐵塔, 拿破崙墓, 同埋好細粒既凱旋門
zoom埋D睇清楚D
金色頂果到就係拿破崙墓喇!! 佢既11點方向就係凱旋門, 睇唔睇到姐?
用電話影Zoom盡去凱旋門喇 😆
影呢D都係要出動長鏡先得
綠草地果到就係羅浮宮花園, 我地而家就準備出發去呢幾個地方喇
而家我地就經過拿破崙墓
拿破崙墓對面就係亞歷山大三世紀
終於嚟到啦.....好興奮....好開心👈我講我
我真係無諗過會嚟到巴黎架....歐洲對我嚟講係遙不可及既事...我無憧憬過會嚟旅行
但結果我真係有機會嚟到.....好感動....好感恩呀
我都好感恩有個樣樣都支持我 成就我既老公, 只要我想做既事, 你都一一陪我完成 💕
上星期先去左澳門巴黎人影, 今日就嚟到巴黎影 😁 澳門版既巴黎鐵塔都唔輸蝕架
跟住落嚟有2個鐘既自由活動時間, 有D團友自費(EUR 70) 跟導遊入羅浮宮睇畫
因為老公之前去過了, 所以我地都唔嘥錢再入去睇喇, 周圍閒逛 影相 入名店扮下野就算
呢個藝術品係羅浮宮商場內好出名既金字塔
我地就喺羅浮宮花園及金字塔附近周圍影相
呢間係法國好出名既朱古力, 靚仔店員好nice, 比我地試食左2款朱古力
我望住佢食粒朱古力寧捨有畫面 😆
當然其他有米團友見佢比大家試食就幫襯左幾盒啦, 食咁多, 唔買唔好意思丫嘛
為食仔鍾意食Macaron, 我對甜野既興趣欠奉, 好彩佢比我地買1個嚟食, 咁就唔洗夾硬買咁多
呢個銅像係聖女貞德, 係法國人既民族英雄
但可惜被奸人所害, 被英格蘭兵捉左, 其後用唔同既藉口最終將佢判處火刑燒死 😢
今晚我地既晚餐都係中菜
唔知係咪食滯左呢.....硬係無乜胃口咁....唔係好想食餸....飲左2碗有味蛋花湯就飽了
最喜歡呢種feel, 又過了美好既一天
聽日既行程係最最最期待既..... (車....你日日都期待架啦 😒)
留言
張貼留言