6 Apr 2018 - Fri -
師父話 "忙是營養", 近排我真係營養過盛
無啦啦整個快閃台灣團, 今次既旅伴係親戚們, 年齡介乎2-67歲, 真係難plan到1個點
6月天氣熱, 上到山就更熱, 要顧及老老嫩嫩上山既住宿, 3餐, 同埋活動
為左大家唔好咁辛苦, 租車都格左3間價錢, 用到最抵既combination為大家既荷包減輕負擔
行程方面又要兼顧到老嫩, 又想揀D大家都未去過既地方, 真係諗到頭都爆炸
食方面仲難, 其中1位食素, 1位小朋友有食物敏感, 真係要睇左間野既Menu啱唔啱食先揀得
同時義工方面又要寫劇本, 早D交到劇本就可以比大家早D籌備
而家終於搞掂晒所有野, 可以繼續歐遊喇!! 龜速寫blog底下，終於"冷"到去第8日
呢日我堅係期待已久, 又要重覆講 👇
曾經發願去每個唔同國家都要去到當地佛光山
感受星雲大師 "佛光普照三千界 法水長流五大洲" 既宏願, 今日可以如願喇 😇
師父話 "忙是營養", 近排我真係營養過盛
無啦啦整個快閃台灣團, 今次既旅伴係親戚們, 年齡介乎2-67歲, 真係難plan到1個點
6月天氣熱, 上到山就更熱, 要顧及老老嫩嫩上山既住宿, 3餐, 同埋活動
為左大家唔好咁辛苦, 租車都格左3間價錢, 用到最抵既combination為大家既荷包減輕負擔
行程方面又要兼顧到老嫩, 又想揀D大家都未去過既地方, 真係諗到頭都爆炸
食方面仲難, 其中1位食素, 1位小朋友有食物敏感, 真係要睇左間野既Menu啱唔啱食先揀得
同時義工方面又要寫劇本, 早D交到劇本就可以比大家早D籌備
而家終於搞掂晒所有野, 可以繼續歐遊喇!! 龜速寫blog底下，終於"冷"到去第8日
呢日我堅係期待已久, 又要重覆講 👇
曾經發願去每個唔同國家都要去到當地佛光山
感受星雲大師 "佛光普照三千界 法水長流五大洲" 既宏願, 今日可以如願喇 😇
Day 8 - 凱旋門 → 巴黎佛光山 → 巴黎法華禪寺 → 夜遊巴黎
呢間酒店既早餐比起之前咁多間係最正架 😋
今日第1個景點 - 凱旋門 -
巴黎地標之一, 雖然無乜特別, 但勝在天氣好, 望落真係好靚
有個團友經常性做攝石人, 佢好似入左結界咁, 無視周圍既人影緊相, 佢都會喺你前面舉機
我擺緊咁有性格既pose佢又亂入 😒
呢張又入😒, 真係點避佢都入到
咁靚既天色底下, 難免要擺返D情難自禁既pose既😆
我地既招牌動作 "拗腰輕吻"
今日隨團最後1個景點就係遊塞納河
無錯, 今日只得2個景點姐😁, 其他時間比你自由活動, 大家都去春天百貨買返少少名牌
而我地一早就plan左好好利用呢日去佛光山😃, 名牌既野唔啱我地呢D窮L, 觀光得喇
今日同尋日天氣爭好遠, 雖然尋日無落雨, 但都係密雲
今日就超好天, 雖然好曬, 但都想企喺船尾欣賞到巴黎2岸景色
身後呢座橋就係尋日去拿破崙古墓附近既亞歷山大三世紀
美國既自由神像係由法國贈送, 所以法國自己都keep住1個
睇左自由神像當去左美國啦~
有人會喺塞納河岸邊傾計, 享受家庭樂. 有人就會跑下步做運動
望住咁靚既景色, 真係好寫意呀 😊
當我望到咁大隻既型男仲寫意呀 😍
之後我地就離隊, 跟左東的朋友帶我地去玩
好感恩有佢車我地周圍去, 如果唔係我地都去唔到巴黎2個佛光道場呀
今日終於唔洗食團餐喇 😆 呢碟煎鴨脾好好食, 皮脆肉嫩, 好味到我連D薯仔都清晒
歐洲好高消費, 淨係得呢碟野, 無湯無野飲, 都要EUR 12, 即大概$120
去巴黎佛光道場的沿途風景, 原來4月法國既街頭都有櫻花呀
估唔到今個旅程都可以賞櫻, 意外收獲 😊
嚟到喇 嚟到喇!! 好感動呀!!
每個國家既佛光道場選址都比較偏遠, 好似呢到要搭1個鐘地鐵後仲要行20 mins先到
如果得我地自己嚟確實有困難, 時間上亦難預計追得返旅行團, 本來諗住嚟唔到架喇
好彩臨出發前朋友通知話果日放假, 可以帶我地去玩, 我真係超超超開心呀 😃
多謝George~~ 亦都多謝老公前幾年參加青年團既法華禪寺開幕, 因此因緣而識到George
呢到係大殿, 義工們正在為聽日既法會進行set場, 我地就地禮拜啦
今日第2個驚喜, 本以為無因緣去法華禪寺
但原來George住法華禪寺附近, 佢話可以帶埋我地去
當然我地都有去George家參觀下啦
第一次去外地朋友既屋企, 原來佢地屋企既佈置係咁簡潔
全白色傢俬, 無高身既櫃, 空間感十足
之後朋友都應我地所求, 去家樂福買野
法國既越南野好好食, 因為係越南人煮的
呢到既越南菜式喺香港未食過, 亦都真係好好食
我地食飽飽就返入市區睇巴黎夜景喇
夜晚既羅浮宮有另一番迷人景色
最後1個興奮位就係睇巴黎鐵塔夜景喇
巴黎治安唔好, 遊客咁夜喺條街到都有D危險, 但有當地人帶就唔同
21:00開始每隔1個鐘都會閃1次, 現場睇真係好靚架
多謝George為我地既歐洲之旅添上咁精彩既一日 😘
留言
張貼留言